Luca 23:33 - Tachi Ak'õre Pedea

³³ Ĩjũa «Tachi Poro Bɨɨrɨ» apataɨmá chesidaɨde Jesú k'urusude barijira bɨsidama. Chi ẽpẽra k'achia berã sida k'urusude barijira bɨsidama, aba Jesú juaraari, aba ichi juawieri.

Luca 23:33 ပူးပေါင်းရင်းမြစ်များ

Mateo 20:19

Maapae mɨ judiorãwẽa teadaipɨ. Mãɨrãpa mɨ oo uru p'ananak'ari, soapa p'edak'ari maapae k'urusude peadaipɨ. Maamina ewari ũpeaɨde chok'ae p'irabariipɨ”.

Mateo 26:2

—Mãrapa k'awa p'anɨma ewari ume parude, Egitodepa wãnana k'ɨ̃risiapataɨ ewari oodaipɨ. Mãɨne abaɨpa mɨ, chi Ẽpẽra Warra jitapiipɨ k'urusude barijira bɨk'ari, peadamẽrá.

Luca 24:7

Ichia nãɨya jarasima: “Mɨ, chi Ẽpẽra Warra ẽpẽerã k'achiarã́ jita teadai p'anɨma. Mɨ k'urusude peadaipɨ, maamina ewari ũpeaɨde chok'ae p'irabariipɨ”.

Juan 18:32

Ara chi judiorãpa mãɨya pedeasidama Jesupa naena jara bada jĩra. Ichia jara basima sãmaasã́ piui bɨt'a.

Juan 3:14

Moisepa ĩjũa pania newẽa bɨde taama bronce ooda ɨt'ɨ barijira bɨda jĩra, mɨ, chi Ẽpẽra Warra ara mãɨya ɨt'ɨ barijira bɨdaipɨ,

Hecho 13:29

Tachi Ak'õre k'art'ade ichi peadai bɨdada ãarea mãɨyak'ari ichi k'urusudepema edá jiradak'ari t'ɨbarisidama.

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Hecho 5:30

Mãrapa Jesú k'urusude barijira bɨk'ari peasidama. Maamina mãrapa peadada tachi chõarãenapemarã Ak'õrepa mãɨ chok'ae p'irabaripisima.

Gálata 3:13

Moisepa bɨ bada jĩra oo p'anɨwẽ pẽra, nepɨra pará p'anɨane aima. Mãɨnepema Jesucristopa tachi k'aripasima. Ichit'a Tachi Ak'õrepa tachi k'ak'ua k'orea nepɨra paraapisima. Moisepa bɨdade nãɨya bɨ bɨma: «Chi pak'urude jira bɨdada, Tachi Ak'õrepa mãɨ nepɨra pará bɨade aipɨ».

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.