Luca 22:42 - Tachi Ak'õre Pedea

⁴² «Ak'õre, pɨmá pia bɨpɨra, mɨ itu mĩapirãse. Maamina mɨa k'ɨ̃ria bɨ jĩra oorãse, mãɨpari pɨa k'ɨ̃ria bɨ jĩra oose».

Luca 22:42 ပူးပေါင်းရင်းမြစ်များ

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

Mateo 11:26

Ãjã, Ak'õre, pɨa mãɨya oosima jãɨya oo k'ɨ̃ria bada pẽra.

Mateo 20:22

Mãɨne Jesupa jarasima: —Mãrapa atua p'anɨma k'ãre idi p'anɨt'a. Mɨ minachia mĩaipɨ. ¿Mãra sida piarã mãɨ jĩra mĩanai k'orea p'anɨk'ãra? Ãchia p'anoosidama: —Ãjã, p'uedaipɨ.

Mateo 26:39

Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima: «Ak'õre, pɨa k'ɨ̃ria bɨpɨra, mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Mateo 26:42

Maapae Jesú mãicha wãk'ari Tachi Ak'õrea ɨt'aa chiidisima: «Mɨ Ak'õre, mɨ minachia mĩapiipɨra, pɨa k'ɨ̃ria bɨ jĩra mĩapise».

Mateo 26:44

Ãchi mãicha ameek'ari wãsima. Tachi Ak'õrea abarik'a ɨt'aa chiidisima.

Mateo 6:10

Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. K'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.

Marco 14:36

Nãɨya jarasima: «Ak'õre, pɨa ne ãarea p'ue ooi bɨma. Mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Luca 23:34

[Mãɨne Jesupa jarasima: «Ak'õre, ãchia oo p'anɨ k'ɨ̃risia atuase. Ãchia oomaa p'anɨt'a atua p'anɨma».] Mãɨ awara papaká berã ne jemenasidama Jesú neet'á sãmaasã́ jedadai k'awadai k'orea.

Juan 18:11

Mãɨ k'orea Jesupa Pedroa jarasima: —Pɨchi k'ĩruuparí nek'o yaase. ¿Mɨ mãɨ mĩai bɨwẽk'ãra, mɨ Ak'õrepa mɨ mĩapii bɨ jĩra?

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 5:30

»Ara mɨchi tuaba ne p'ue ooiwẽma. Mɨa ẽpẽra ɨtɨaparima mɨ Ak'õrepa jararu jĩra. Mɨa jĩp'a ɨtɨaparima. Mɨa k'ɨ̃ria bɨ jĩra ook'ama mãɨpari mɨ Ak'õre, chi mɨ Peedapa k'ɨ̃ria bɨ jĩra ooparima.

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Hecho 21:14

Mãɨne taipa ichiá jara p'aneesidama wãpiemaapa maamina ichia k'ɨ̃risia bɨt'a p'uedaé pasima. Mãɨpuru waa mãɨ k'orea pedeadaé pasima. Mãɨpari jarasidama: —Mãɨya beese, Tachi Chiparipa k'ɨ̃ria bɨ jĩra.