Luca 22:36 - Tachi Ak'õre Pedea

³⁶ Mãɨ k'orea ichia jarasima: —Maamina mɨa jararuma: naapae chi erreara uru bɨpa ateese. Chi neet'á yaaparí uru bɨpa mãɨ sida ateese. Chi k'ĩruuparí nek'o nenea bɨpa ichia neet'á netok'ari aba atase.

Luca 22:36 ပူးပေါင်းရင်းမြစ်များ

Luca 22:35

Maapae Jesupa ãchiá jarasima: —Mɨa mãra erreara newẽa peeside, neet'á yaaparí newẽa mãɨnepa jĩrune jɨ̃pataɨ newẽa ¿ne abawẽasidawẽk'ãra? Ãchia p'anoosidama: —Mi ãpia pida newẽaé pasima.

Luca 22:37

Mɨa jararuma: Tachi Ak'õre pari pedeaparipa mɨ k'orea bɨda piarã mãɨyai pia bɨma. Nãɨya bɨsima: “Ara ichi ẽpẽra k'achia bɨ jĩra k'ɨ̃risia p'anasidama”. Chi mɨ k'orea bɨdada piarã ãarea mãɨyaipɨ.

Luca 22:38

Mãɨ k'orea ãchia jarasidama: —Tai Chipari, nãma k'ĩruuparí nek'o ume uru p'anɨma. Jesupa jarasima: —Arí bɨma. Waa pedearãt'ɨ.

Juan 15:20

K'ɨ̃risiat'ɨ mɨa nãɨ jarada: “Abaɨ pida ichi chipari pae pari mimiaparí ichi chipari k'aepẽra atepe bɨwẽma”. Mãɨpa jara bɨma ẽpẽerãpa mɨ pedea oo p'anɨpɨra, mãra pedea sida oodaipɨ. Maamina ãchia mɨ ẽp'ẽ p'anɨpɨra, mãra sida ẽp'ẽnaipɨ.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

1 Tesalonicense 3:4

Mãra ome p'anasidaɨde taipa jarapachidama ẽpẽrarãpa tachi nepɨra paraapidai. Mãrapa k'awa p'anɨma piarã mãɨyasit'a.

1 Pedro 4:1

Cristo nãɨ k'ak'uade minachia mĩana pẽra mãra pida abarik'a k'ɨ̃risia uru p'anat'ɨ. Chi ẽpẽra ichi k'ak'uade minachia mĩa badapa nemietá itu bɨsima.