Luca 22:32 - Tachi Ak'õre Pedea

³² Maamina mɨa Tachi Ak'õrea ɨt'aa chiidisima pɨa ĩjãa bɨ itu bɨpiemaapa. Mãɨya bak'ari pɨa nemietá ooi bɨ itu bɨk'ari, pɨ ũpẽarã k'aripase pia ĩjãanamẽrá».

Luca 22:32 ပူးပေါင်းရင်းမြစ်များ

Mateo 18:3

Nãɨya jarasima: —Mɨa piarã jararuma: mãrapa awara k'ɨ̃risiadaepɨra mãɨnepa nãɨ warra chae jĩra p'ananaepɨra, Tachi Ak'õre Pajãne Bɨpa ichidirã ichi juade ua bɨde p'ananaiwẽma.

Mateo 26:75

Mãɨne Pedropa k'ɨ̃risiasima Jesupa nãɨya jara badat'a: «Et'erre pirui naena pɨa bari k'ak'o ũpea mɨ unuk'aade aipɨ». Maapae Pedro tajatá wãk'ari minachia sõp'uapa jẽasima.

Marco 14:72

Mãɨya bɨde et'erre mãicha pirusima. Ara mãɨne Pedropa k'ɨ̃risiasima Jesupa nãɨya jara badat'a: «Et'erre bari k'ak'o ume pirui naena pɨa bari k'ak'o ũpea mɨ unuk'aade aipɨ». Pedropa mãɨnepema k'ɨ̃risiarude minachia jẽasima.

Marco 16:7

Naapae jarade wãt'ɨ chi ichi ome p'ɨrrɨapataɨrãmá mãɨnepa Pedroa, Jesú ãchi naa Galilea tuadea wãrut'a. Mãma ichi ununaipɨ ara ichia naena jarada jĩra.

Luca 8:13

Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Juan 14:19

Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

Hecho 3:19

Chi mãrapa nemietá oodada itu bɨdak'ari Tachi Ak'õremá chet'ɨ. Mãɨya oosidara Tachi Chiparipa mãrapa nemietá oodaadat'a k'ɨ̃risia atuak'ari sõpiapiipɨ.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

Romano 8:34

¿K'aipa tachi nepɨra pará p'anɨane aima? Abaɨ pida mãɨya jaraiwẽma Jesucristo tachi k'orea piuda pẽra. Ichi piu bada chok'ae p'irabarisima. Naapae Tachi Ak'õre juaraari bɨma. Mãma tachi k'orea Tachi Ak'õrea chichupuria idi bɨma.

2 Timoteo 2:18

Ãchi chi piarã pedeadepema ãyá wãsidama. Ãchia jarateapatama ẽpẽrarã piudada ya chok'ae p'irabarik'oasidat'a. Mãɨ k'orea waapẽarãpa Cristode ĩjãa p'anɨ k'orea k'ɨ̃risia ãyá k'ɨ̃risia p'aneesidama.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

1 Pedro 1:1

Mɨ Pedro, Jesucristopa peedapɨ. Mɨa nãɨ k'art'a bɨruma Tachi Ak'õrepa jɨrɨ atadaɨrã Ponto tuade, Galacia tuade, Capadocia tuade, Asia tuade, Bitinia tuade mãɨnepa chi tua awaraɨrãnepa chedak'ari p'anɨrã pae.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.