Luca 22:19 - Tachi Ak'õre Pedea

¹⁹ Maapae p'ana jitak'ari Tachi Ak'õrea sõpia bɨade a jarasima. T'oet'aak'ari ãchiá tearude nãɨya jarasima: —Nãɨ mɨ k'ak'uapɨ, mãra k'orea teadapɨ. K'ot'ɨ. Mɨ k'ɨ̃risiadai k'orea ara nãɨ jĩra oo p'anat'ɨ.

Luca 22:19 ပူးပေါင်းရင်းမြစ်များ

Mateo 14:19

Maapae ẽpẽrarã́ jarasima p'ũajãrane suak'abari p'aneenamẽrá. Mãɨ p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jeda k'odamẽrá.

Mateo 15:36

Mãɨ p'ana siete bada mãɨnepa beta ichi juade atak'ari Tachi Ak'õrea sõpia bɨade asima. Mãɨyak'ari beta mãɨnepa p'ana t'oet'aak'ari ichi ome p'ɨrrɨapataɨrã́ teasima jedadamẽrá. Maapae jedasidama.

Luca 22:17

Maapae pasu jitak'ari Tachi Ak'õrea mɨ sõpia bɨade a jarak'ari nãɨya jarasima: —Nãɨ tot'ɨ.

Luca 22:20

Ara mãɨ jĩra nek'ok'ari pasu jitak'ari jarasima: —Nãɨ pasude eda bɨt'a mɨ oa mãra k'orea ãriipɨ. Mɨ oadepa Tachi Ak'õrepa mãra ome pedea chiwidi bɨruma.

Luca 24:30

Nek'outade Jesupa p'ana atak'ari Tachi Ak'õrea pia jarasima. T'oet'aak'ari ãchiá teasima.

Juan 6:23

Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

1 Corintio 10:16

Tachi Chipari k'ɨ̃risia p'anɨne, tachia uvaba pasude bɨ k'orea Tachi Ak'õrea sõpia bɨade adak'ari topatama. Mãɨ toutade unupipatama tachi Cristo oadepa ichi ome ará p'anɨt'a. Mãɨnepa p'ana t'oet'aada k'outade unupipatama Cristo k'ak'uade minachia mĩananepa tachi ichi ome ará p'anɨt'a.

1 Corintio 10:4

Jõmãɨrãpa abarik'a pania Tachi Ak'õrepa p'ẽyanepa weapida topachidama. Mãɨ p'ẽya Cristo jara k'ɨ̃ria bɨma, ãchi wãutacha Cristo jaoredepa ãchi ome bada pẽra.

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.

Gálata 4:25

Chi Sinaí eya Arabia tuade bɨ Agar jĩra bɨma, chi mãɨ eyade teada Moisepa bɨdade ĩjãa berã, chipari pae pari mimiapataɨrã jĩra p'anɨ pẽra. Mãɨnepa chi nãɨ ĩjũanepema Jerusalén p'uuru, Agar jĩra bɨma mãɨ p'uurudepemarã chipari pae pari mimiapataɨrã jĩra p'anɨ pẽra.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

1 Tesalonicense 5:18

Nejõma k'orea Tachi Ak'õrea sõpia p'anɨane a p'anat'ɨ. Mãɨt'a Tachi Ak'õrepa k'ɨ̃ria bɨma, mãra Jesucristode ĩjãapataɨrã pẽra.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.