Luca 22:16 - Tachi Ak'õre Pedea

¹⁶ Mɨa mãrá piarã jararuma: nãɨ k'odadepa waa k'oiwẽma aba Tachi Ak'õrepa jõma ichidirã ichi juade ua beerudea. Mãɨ ewaride nãɨ k'opataɨ jara bɨ k'orea mãɨya jõma baipɨ.

Luca 22:16 ပူးပေါင်းရင်းမြစ်များ

Luca 12:37

Chi chipari chek'ari, chi ichi pae pari mimiapataɨrã chok'ae p'anɨ unuipɨra, ãchi pia ak'ɨipɨ. Mɨa piarã jararuma: ara mãɨne chi chiparipa chi ichi pae pari mimiaparí neet'á jɨ̃k'ari ichi pae pari mimiapataɨrã chik'o k'opataɨde suak'abari beepiipɨ, ãchiá nek'opii k'orea.

Luca 14:15

Jesú ome suak'abari p'anɨpa mãɨ ũrisidaɨde abaɨpa jarasima: Tachi Ak'õrepa ichidirã ichi juade ua bɨ nek'opataɨde nek'oru ẽpẽrat'a minachia pia baipɨ.

Luca 22:15

Mãɨne ãchiá jarasima: —Mɨ minachia mĩai naena mɨa piarã nãɨ k'opataɨ mãra ome ará k'o k'ɨ̃ria basima.

Luca 22:18

Mɨa jararuma: uvaba waa toiwẽma aba Tachi Ak'õrepa jõma ichidirã ichi juade ua beerudea.

Luca 22:30

Mɨchidirã mɨ juade ua barude, mãra mɨ ome nek'odaipɨ. Poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea».

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Hecho 10:41

Tachi Ak'õrepa ãareaɨrã́ unupié pasima maamina taiyá unupisima mãɨ k'orea ateeda pẽra. Ichi chok'ae p'irabarik'ari tai ichi ome nek'osidama mãɨnepa netosidama.

Apocalipsi 19:9

Tachi Ak'õrepa ɨt'aripa peedapa mɨá jarasima: «K'art'ade nãɨya bɨse: “¡Oveja Chak'e miak'ãipataɨ ewari nek'opataɨmá chi t'ɨ̃naanãɨrã minachia pia p'anɨma!”» Mãɨnepa jarasima: «Mãɨ piarã pedea Tachi Ak'õrepa jaradapɨ».