Luca 21:37 - Tachi Ak'õre Pedea

³⁷ Jesupa Tachi Ak'õre te eda ãsã jaratea bak'ari teamasi Olivo eyadea wãpachima.

Luca 21:37 ပူးပေါင်းရင်းမြစ်များ

Mateo 21:1

Jerusalén k'ait'a cheutade Betp'aké p'uurude chesidama, Olivo eya k'ait'a. Mãɨne Jesupa ichi ome p'ɨrrɨapataɨrã ume p'uurudea peesima.

Mateo 21:17

Maapae Jesupa ãchi ameek'ari Jerusalenepa Betania p'uurudea k'ãine wãsima.

Mateo 26:30

Maapae Tachi Ak'õre pedea bɨ bɨdadepema k'aridak'ari Olivo eyadea wãsidama.

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Marco 11:12

Norema Betania p'uurudepa wãutade Jesú jarrapisia nɨbeesima.

Marco 11:19

Mãɨ ewari baepodoside Jesú chi ichi ome p'ɨrrɨapataɨrã ome mãɨ p'uurudepema wãsidama.

Marco 14:49

Mɨa ewaricha Tachi Ak'õre te eda mãrá jaratea basima. ¿K'ãre k'orea mɨ mãma ãareaɨrã taade jitadaé pasima? Maamina nãɨya oo p'anɨma Tachi Ak'õre pedeade bɨ bɨt'a piarã mãɨyai bɨ pẽra.

Luca 19:29

Wãrune Betp'aké p'uuru mãɨnepa Betania p'uuru k'ait'a Olivo eyadea chesima. Maapae ichi ome p'ɨrrɨapataɨrã ume p'uurudea peesima.

Luca 19:37

Jesú Olivo eyadepa edá wãpataɨ o k'ait'a padak'ari jõma ichi ome p'ɨrrɨapataɨrãpa Tachi Ak'õrea jĩk'ua pia pedea tuaneesidama. Sõ arapá p'anasidama Jesupa ẽpẽrarãpa ne p'ue oodak'apɨ́ ãchi k'ĩrari oo bada pẽra.

Luca 19:47

Jesupa ewaricha Tachi Ak'õre te eda jaratea bapachima. Mãɨne p'aarerã chi mãɨrã chaarearãpa, Moisepa bɨda jarateapataɨrãpa mãɨnepa ẽpẽrarã chi atepe berãpa ichi pea k'ɨ̃ria p'anasidama.

Luca 22:39

Maapae Jesú mãicha Olivo eyadea wãsima ichia oode wãpari jĩra. Ichi ome p'ɨrrɨapataɨrã sida wãsidama.

Juan 12:1

Egitodepa wãnana k'ɨ̃risiapataɨ ewari pai k'orea ewari k'ak'o seiwẽa baside, Jesú Betania p'uurudea wãsima Lázaro bapachimá. Mãɨ Lázaro Jesupa chok'ae p'irabaripida pasima.

Juan 18:2

Juda, chi Jesú jitapii bɨpa mãɨ ne uu ĩjũa k'awa basima, Jesú ichi ome p'ɨrrɨapataɨrã ome mãma bari k'ak'o minachia ará nɨbeepachi pẽra.

Hecho 1:12

Maapae Olivo eyadepa Jerusalenea jĩitea wãsidama. Mãɨ eya Jerusalén p'uurudepa kilómetro aba bɨma.