Luca 21:36 - Tachi Ak'õre Pedea

³⁶ Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Luca 21:36 ပူးပေါင်းရင်းမြစ်များ

Mateo 24:42

»Mãɨpuru tau pará p'anat'ɨ atua p'anɨẽra sãapae chei machi Chipari.

Mateo 24:43

Nãɨ k'awat'ɨ: te chiparipa nechɨaparí sãapae chei k'awa bɨpara, k'ãiwẽa bai pasima tede eda wãpiemaapa.

Mateo 24:44

Ara mãɨ jĩra mãra sida tau pará p'anat'ɨ. Mãrapa mɨ, chi Ẽpẽra Warra chei atua p'anɨne cheipɨ.

Mateo 25:13

»Mãɨ k'orea mãra tau pará p'anat'ɨ. Mɨ, chi Ẽpẽra Warra chei ewari mãɨnepa chi hora atua p'anɨma.

Mateo 26:41

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Mateo 8:20

Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Marco 13:33

»¡Tau pará p'anat'ɨ! ¡Ak'ɨ p'anat'ɨ! Mãrapa chi ewari sãapae chei atua p'anɨma.

Marco 13:37

Chi mɨa mãrá jara bɨt'a ãareaɨrã́ pida jara bɨma: tau pará p'anat'ɨ.

Luca 1:19

Chi ɨt'aripa peedapa Zak'aria jarasima: —Mɨ Gabrielpɨ, Tachi Ak'õre pae pari mimiaparipɨ. Ichia mɨ pɨmá peesima mãɨ pedea pia jaramẽrá.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Luca 20:35

Maamina ẽpẽrarã Tachi Ak'õrepa pia unu bɨt'a chok'ae p'irabaridaipɨ. Mãɨne ẽpẽrarãpa k'ima waa atadaiwẽma, mãɨyawẽpɨra k'ima teadaiwẽma, mãɨpari Tachi Ak'õrepa ɨt'aripa peedaɨrã jĩra p'ananaipɨ.

Hecho 10:2

Mãɨ Cornelio ichi tiidapemarã paara ãarea jĩp'a p'anasima. Tachi Ak'õre wap'ea p'anasidama. Corneliopa judiorã k'aripai k'orea erreara minachia teapachima mãɨnepa Tachi Ak'õrea ɨt'aa chiidi bapachima.

1 Corintio 16:13

Jĩrak'aua p'anat'ɨ. Jesucristode minachia ĩjãa p'anat'ɨ. Ichidepa p'erawẽa p'anat'ɨ mãɨnepa chaarea p'anat'ɨ.

2 Corintio 4:14

Tachi Ak'õrepa Tachi Chipari Jesú chok'ae p'irabaripisima mãɨnepa taipa k'awa p'anɨma tai sida Jesú jĩra chok'ae p'irabaripiit'a. Maapae tai mãra ome ará ichi k'ĩrari bɨipɨ.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

1 Tesalonicense 5:17

Ɨ̃apaadawẽa Tachi Ak'õrea ɨt'aa chiidi p'anat'ɨ.

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

Apocalipsi 11:4

Chi nãɨ ĩjũanepema Chipari taade pak'uru olivo bɨɨrɨ ume p'anɨma mãɨnepa ĩpira ume p'anɨma. Mãɨ jara k'ɨ̃ria bɨma chi ume p'anɨpa mɨ k'orea pedea p'anɨt'a.

Apocalipsi 6:17

Chi ichia tachi ɨtɨai ewari waibɨa bɨ cheipɨ. ¿K'aipa mãɨ choaima?»

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.

Apocalipsi 8:2

Mãɨya nak'ari mɨa chi Tachi Ak'õrepa ɨt'aripa peedaɨrã ichi naa bai nɨp'anɨt'a unusima. Ãnimara k'achu siete ãchiá teasima.