Luca 21:34 - Tachi Ak'õre Pedea

^34-35 »Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Luca 21:34 ပူးပေါင်းရင်းမြစ်များ

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Marco 13:9

»Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ.

Marco 4:19

Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra.

Luca 10:41

Jesupa jarasima: —Marta, Marta, pɨa ne minachia oo bɨ k'orea minachia k'ɨ̃risia pará bɨma.

Luca 12:40

Ara mãɨ jĩra mãra sida tau pará p'anat'ɨ. Mãrapa mɨ, chi Ẽpẽra Warra chei atua p'anɨne cheipɨ».

Luca 17:3

»Mãɨpuru jĩrak'aua p'anat'ɨ. Pɨ ũpẽapa pɨ nemietá ooipɨra, ichi ɨtɨase. Ichia nemietá ooda itu bɨipɨra mãɨ ooda k'ɨ̃risia atuase.

Luca 21:8

Jesupa p'anoosima: —Jĩrak'aua nipat'ɨ abaɨa pida mãra seapiemaapa. Chok'araɨrãpa jaradaipɨ “mɨ Tachi Ak'õrepa Tachi K'aripaparí teai jara bada”. Mãɨ awara chi ewari arí payade adaipɨ. Maamina ãchi ome wãrãt'ɨ.

Luca 8:14

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

1 Corintio 5:11

Mãɨpari mɨa mãrá bɨsima parituapa ara ichi ũpẽaane aipɨra, maamina awaraɨ ome k'ãipataɨde nipaipɨra, erreara awaa baipɨra, juapa oodada sãdo k'ĩrari ɨt'aa chiidi baipɨra, seadepa waapẽarã k'orea k'achia pedea baipɨra, piu nipaipɨra, wa nechɨaparí baipɨra, makɨɨ ẽpẽra ome ará p'ananaiwẽa p'anɨ mãɨnepa ará nek'odaiwẽa p'anɨ.

Gálata 5:20

juapa oodada sãdoa ɨt'aa chiidipataɨ, jaipanarãpa oopataɨ, waapẽarã unuemaapataɨ, k'ĩruu pedeapataɨ, waapẽarãné uru p'ananai k'ɨ̃riapataɨ, ɨ̃apachia k'ĩruupataɨ, waapẽarã k'aepẽra atepe pia p'ananayá jɨrɨpataɨ, ãchi k'ɨ̃risia k'ak'awá k'ɨ̃risia p'anapataɨ, Tachi Ak'õre pedea k'ĩra awara jaratea p'anɨnepa awara wãpataɨ,

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

2 Pedro 3:10

Tachi Chiparipa ɨtɨai ewari paipɨ nechɨaparí chepari jĩra. Mãɨ ewaride ɨbɨa chi jĩk'ua baek'ari pajã wẽpapiipɨ. Nejõma tachia pajãne unupataɨ paawãipɨ. Mãɨnepa nãɨ ĩjũa mãɨnepa nejõma nãɨ ĩjũane be paawãipɨ.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

Apocalipsi 3:3

Chi piarãpẽa pedea mãrapa ũrinana k'ɨ̃risia p'anat'ɨ. Mãɨne pia ĩjãat'ɨ. Nemietá itu bɨdak'ari Tachi Ak'õremá chet'ɨ. Mãra taujĩra p'ananaepɨra mɨ cheipɨ mãra ɨtɨai k'orea chi nechɨaparí atua nɨbɨde chepari jĩra.