Luca 21:17 - Tachi Ak'õre Pedea

¹⁷ Mɨne ĩjãa p'anɨ k'orea jõmãɨrãpa mãra unuemaanaipɨ.

Luca 21:17 ပူးပေါင်းရင်းမြစ်များ

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

Mateo 24:9

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ.

Mateo 5:11

Mɨ k'orea k'achia pedeadaipɨra, mĩapii p'anɨpɨra mãɨnepa wawaria seadepa k'achia pedeadaipɨra, mãra pia p'anɨma.

Marco 13:13

Mɨne ĩjãa p'anɨ k'orea jõmãɨrãpa mãra unuemaanaipɨ. Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Luca 21:16

»Ara mãra ak'õrepa, mãra ũpẽarãpa, mãra ẽpẽrarãpa, mãra k'õp'ãerorã pida mãra jitapidaipɨ. Mãɨya mãranepema peapidaipɨ.

Luca 21:18

Maamina mãra jaore mɨa ewaricha minachia ak'ɨ baipɨ.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

Juan 17:14

Pɨa jarada mɨa ãchiá jarateasima. Maamina nãɨ ĩjũanepemarãpa ãchi unuemaa p'anɨma mɨ jĩra nãɨ ĩjũanepemawẽ pẽra.

Juan 7:7

Nãɨ ĩjũanepemarãpa mãra k'ĩramá p'anɨwẽma. Maamina mɨt'a k'ĩramaa p'anɨma, ãchia nemietá oopataɨ mɨa mietaade a jara bɨ pẽra.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

2 Corintio 4:11

Piarã tai wapida chok'ae p'anɨne Jesú k'orea ẽpẽrarãpa tai pea k'ɨ̃ria p'ananaipɨ. Mãɨya tai k'ak'ua piui bɨdepa jõmãɨrãpa Jesú chok'ae bɨt'a ununaipɨ.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

P'ilipense 1:29

Ichi piadepa mãra t'ɨ̃é pasima abapuru Cristode ĩjãa p'ananamẽrá, mãɨpari t'ɨ̃sima Cristo k'orea minachia mĩanamẽrá.

1 Pedro 4:14

Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.