Luca 20:26 - Tachi Ak'õre Pedea

²⁶ Ãchia Jesú jõmãɨrã taade p'ue piawẽa pedeapidaé pasima. Mãɨpari k'ĩup'ea tuaneesidama ichia jarada k'orea k'awa k'ɨ̃risiadaé pasi pẽra.

Luca 20:26 ပူးပေါင်းရင်းမြစ်များ

Mateo 22:12

Chi minachia k'awa bɨpa mãɨ ẽpẽrá idisima: “K'õp'ãero, pɨ ¿sãmaasã́ nãma eda bɨma, neet'á k'ak'apiawẽa bɨt'a?” Mãɨ ẽpẽra k'ĩup'ea beesima.

Mateo 22:22

Mãɨ ũrisidaɨde k'awa k'ɨ̃risiadaé pasima. Ara mãɨne ãyá wãsidama.

Mateo 22:34

P'ariseorãpa k'awasidama Jesupa saduceorã k'ĩup'eapida. Mãɨ k'orea ãchi ará nɨbeedak'ari Jesumá wãsidama.

Mateo 8:10

Mãɨ ũriside Jesupa pia k'ɨ̃risiasima. Mãɨne ichi k'aade wã p'anɨrã́ jarasima: —Piarã mãrá jararuma: nãɨ ẽpẽrapa minachia ĩjãa bɨ jĩra israel ĩjũanepemarã t'ãena aba pida unuk'ama.

Luca 11:54

Ãchia k'ɨ̃ria p'anasidama Jesupa piawẽa p'anooit'a nepɨra pará bɨade adai k'orea.

Luca 13:17

Jesupa mãɨ jaraside chi ichi k'orea k'achia pedea p'anana minachia p'erasidama, maamina ichia nepia oo bɨ k'orea chi p'uurudepemarã minachia arapá p'anasidama.

Luca 20:20

Maapae p'aarerã chi mãɨrã chaarearãpa ẽpẽra jĩp'a be jĩra peesidama Jesú pia ak'ɨdamẽrá. Mãɨrãpa Jesú piawẽa pedearu ũrisidara ara mãɨ jitadak'ari ãchi tuadepema poro chaarea juade teadai k'ɨ̃risia p'anasidama.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Tito 1:10

Mɨa mãɨya jara bɨma k'ɨɨrɨwẽa berã, tachi k'aripak'á pedea jarateapataɨrã mãɨnepa chĩara seapataɨrã sida pará pẽra. Mãɨrã tachi ɨmɨk'ĩra k'ak'ua tauchaadai p'anɨane apataɨrãpɨ.