Luca 20:16 - Tachi Ak'õre Pedea

¹⁶ Ará wãk'ari ãchi ãarea k'enak'ari ichi uva k'ãena awaraɨrã́ ak'ɨpiipɨ». Chi arí berãpa mãɨ ũrisidaɨde jarasidama: —Mãɨyawẽane asidama.

Luca 20:16 ပူးပေါင်းရင်းမြစ်များ

Mateo 21:34

Maapae uva baapataɨ ewari ará pak'ari, chi chiparipa ichi pae mimiapataɨrã peesima chi uva k'ãenane mimiapataɨrãpa mãɨ chi ichipaepema tea peedamẽrá.

Mateo 21:41

Mãɨne p'aarerã chi mãɨrã chaarearãpa mãɨnepa judiorã chaarearã pida nãɨya p'anoosidama: —Ichia mãɨ ẽpẽerã k'achia berã sõchupuriawẽa peak'ari, waapẽarã ẽpẽrarã ome pedea auipɨ ichi uva k'ãena ak'ɨdamẽrá. Mãɨ ẽpẽrarãpa ichiá uva teadai p'anɨt'a mãɨ chauk'ari teadaipɨ.

Mateo 22:7

Mãɨ k'orea chi minachia k'awa bɨ minachia k'ĩruusima. Ichi papaká berã peek'ari mãɨ ẽpẽrarã mĩa peapataɨrã jitadak'ari, k'enanak'ari, maapae ãchi p'uuru paasidama.

Marco 12:9

Mãɨpuru chi ne uu ĩjũa chiparipa ¿k'ãre ooima? Ará wãk'ari ãchi ãarea k'enak'ari maapae ichi uva k'ãena awaraɨrã́ ak'ɨpiipɨ.

Luca 19:27

“Mãɨ awara mɨ ãchi minachia k'awa bɨ pai k'ɨ̃riawẽa p'anana jitadak'ari mɨ k'ĩrari k'enat'ɨ”».

Luca 20:15

Ara mãɨne chi warra uva k'ãenanepa ateewãnak'ari peasidama. »Mãramá mãɨ ne uu ĩjũa chiparipa ¿k'ãre ooima?

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Romano 11:1

Mãɨ k'orea mɨa nãɨ idiruma: «¿Tachi Ak'õrepa israel ĩjũanepemarã ichidirã itu bɨsik'ãra?» ¡Mãɨyawẽma! Mɨ israel ĩjũanepemapɨ, Abrahanepa chedaadadepemapɨ, Benjaminepa chedapɨ.

Romano 11:11

Nãɨ mɨa idiruma: ¿judiorãpa Cristo itu bɨsida pẽra waa Tachi Ak'õre ome p'ue pia p'ananaiwẽk'ãra? ¡Mãɨyawẽma! Mãɨpari mãɨya oodada pẽra Tachi Ak'õrepa judiorãwẽ k'aripaparima. Mãɨya judiorãpa jiwá p'aneenak'ari ichi k'ɨ̃rianaipɨ.

Romano 3:31

Jesude ĩjãa p'anɨ pẽra ¿Moisepa bɨda itu bɨdai p'anɨk'ãra? Mãɨyawẽma, mãɨpari mãɨ Moisepa bɨda pia unupatama.

Romano 3:4

Mãɨyawẽma. Tachi Ak'õrepa ooi jarada piarã jõma ooipɨ. Ẽpẽrarã seajarapatamina Tachi Ak'õrepa ooparima ichia jara bɨ jĩra. Ichi Pedeade nãɨya bɨ bɨma: «Jõmãɨrãpa k'awadaipɨ pɨa jara bɨ jĩp'a bɨt'a; abaɨ pida pɨ k'orea k'achia pedearude pɨa k'awapiipɨ pɨ jĩp'a bɨt'a».

Romano 3:6

¡Piarã mãɨyawẽma! Tachi Ak'õre mãɨya jĩp'a bɨwẽpara, ¿sãmaasã́ nãɨ ĩjũanepemarã nepɨra ak'ɨi pasima?

Romano 6:15

¿Mãɨnepema sãmaasã́ k'ɨ̃risia p'anɨma? Tachi Ak'õrepa ichi sõpiadepa tachi k'aripada pẽra mãɨnepa tachi Moisepa bɨdadepa p'anɨwẽ pẽra ¿nemietá oodai p'anɨk'ãra? ¡Mãɨyawẽma!

Romano 6:2

¡Piarã mãɨya oodaiwẽa p'anɨma! Tachi nemietaadepema piusidama. Mãɨpuru ¿sãmaasã́ nemietaade nipadaima?

Romano 7:13

Mãɨyara ¿Moisepa bɨda pia bɨpa mɨ piupisik'ãra? ¡Mãɨyawẽma! Mãɨpari nemietá oo bɨ k'orea mɨ mãɨya piui basima. Mɨa nemietá oo bɨ k'orea mãɨ Moisepa bɨda pia bɨpa jara bɨma mɨ piui bɨt'a. Mãɨya pia unupi bɨma chi nemietá sãmaasã́ bɨt'a. Mɨa nemietá oo bɨt'a piarã minachia mietá bɨma.

Romano 7:7

¿Mãɨ k'orea sãmaasã́ k'ɨ̃risiadai p'anɨma? ¿Moisepa bɨda mietá bɨk'ãra? ¡Mãɨyawẽma! Mãɨ Moisepa bɨda newẽpara mɨa atua bai pasima k'ãre nemietá. Mãɨ Moisepa bɨdade «abaɨpa uru bɨt'a k'ɨ̃riarãapade» awẽpara, mɨa k'awaiwẽ pasima mãɨ nemietaat'a.

Romano 9:14

¿Mãɨnepema sãmaasã́ k'ɨ̃risia p'anɨma? ¿Tachi Ak'õrepa jĩp'a ook'a k'ɨ̃risia p'anɨk'ãra? ¡Mãɨyawẽma!

1 Corintio 6:15

¿Mãrapa atua p'anɨk'ãra mãra k'ak'ua Cristodé? Mãɨyara ¿mɨa ará ãpua bɨik'ãra chi Cristodé, wẽra k'achia bɨ ome? ¡Mãɨyawẽma!

Gálata 2:17

Tachia jɨrɨsidama Cristodepa Tachi Ak'õrepa tachi chi jĩp'a be paara bɨmẽrá. Mãɨpuru waapẽarãmá, tachi nemietá oopataɨrãpɨ, chi Moisepa bɨda amaanana pẽra. Mãɨyara ¿Cristopa tachiá nemietá oopi bɨk'ãra? ¡Mãɨyawẽma!

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.