Luca 20:1 - Tachi Ak'õre Pedea

¹ Ewariaba Jesupa Tachi Ak'õre te eda ẽpẽrarã́ ichi k'orea pedea pia pedea basima. Mãɨne p'aarerã chi mãɨrã chaarearã, Moisepa bɨda jarateapataɨrã mãɨnepa judiorã chaarearã chesidama.

Luca 20:1 ပူးပေါင်းရင်းမြစ်များ

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Luca 20:2

Ãchia Jesua nãɨya idisidama: —Taiyá jarase, pɨa nãma oo bɨ ¿k'aipa oopi bɨma?

Luca 8:1

Mãɨya bak'ari Jesú p'uuru waibɨa becha mãɨnepa p'uuru chak'e becha wãsima. Mãɨne jarapachima Tachi Ak'õrepa ichidirã ichi juade ua bɨ k'orea. Mãɨ pedea pia jaratea niparude ichia doce peedaɨrã ichi ome p'ɨrrɨapachidama.

Juan 18:20

Mãɨne Jesupa p'anoosima: —Mɨ ãareaɨrã k'ĩrari jĩp'a pedea basima. Mɨa jaratea basima tachi ará pedeapataɨ techa mãɨnepa Tachi Ak'õre te eda, tachi judiorã ãarea ará chedak'ari pedeapatamá. Mi ãpia pida mẽra jaraé pasima.

Hecho 4:1

Pedro mãɨnepa Juan ẽpẽerã ome mãɨ pedea p'anɨmisa, judiorã p'aarerã, Tachi Ak'õre te minachia bɨdepema ot'eapataɨrã chi chaarea bɨ mãɨnepa saduceorã ãchimá chesidama.

Hecho 6:12

Mãɨya ãchia chi p'uurudepemarã, judiorã chi chõarã mãɨnepa judiorã Moisepa bɨda jarateapataɨrã k'ĩruupik'apisidama. Mãɨpuru Esteban jitadak'ari judiorã chi chõarã posoa ará p'anɨmá ateewãsidama.