Luca 2:47 - Tachi Ak'õre Pedea

⁴⁷ Mãɨne ãchia idi p'ananat'a ichia pia p'anoopachima. Jõma ichi ũri p'anɨpa k'awa k'ɨ̃risiadaé pasima ichi k'ɨ̃risiadepa p'anoo bɨẽra.

Luca 2:47 ပူးပေါင်းရင်းမြစ်များ

Mateo 13:54

Maapae ichi p'uurudea chesima. Ewariaba judiorã ará pedeapataɨ tede jaratea basima. Chi ũri p'anɨpa k'awa k'ɨ̃risiadaé pasi pẽra nãɨya jarasidama: —Nãɨpa ¿sãmãɨpa jãɨ k'ɨ̃risia k'awa atasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Mateo 22:33

Jesupa mãɨya jaratea bɨ ũriutade ẽpẽrarãpa k'awa k'ɨ̃risiadaé pasima.

Mateo 7:28

Jesupa jõma jarateak'ari ẽpẽrarãpa k'awa k'ɨ̃risiadaé pasima.

Marco 1:22

Jaratea bɨde jõmãɨrãpa k'awa k'ɨ̃risiadaé pasima. Chi Moisepa bɨda jarateapataɨrã jĩra jarateak'a pasima. Mãɨpari minachia k'awa bɨdepa pia jaratea basima.

Marco 11:18

Mãɨ pedea ũrisidaɨde p'aarerã chi mãɨrã chaarearãpa mãɨnepa Moisepa bɨda jarateapataɨrãpa Jesú wap'easidama ichia jaratea bɨ ãareaɨrãpa pia ũri p'anɨ pẽra. Mãɨpuru jɨrɨ p'aneesidama ichi sãmaasã́ peadait'a.

Marco 6:2

Mimianak'apɨ́ ewaride Jesupa judiorã ará pedeapataɨ tede Tachi Ak'õre pedea jaratea beesima. Mãɨne chok'ará ũri p'anɨpa k'awa k'ɨ̃risiadaé pasi pẽra mãɨya jara tuaneesidama: —Ichia ¿sãmãɨpa jãɨ k'ɨ̃risia k'awasima? ¿K'aipa ichiá k'ɨ̃risia teasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Luca 2:18

Chi oveja ak'ɨpataɨrãpa jara p'anɨ ũrisidaɨde jõmãɨrãpa mãɨ k'orea k'awa k'ɨ̃risiadawẽa p'aneesidama.

Luca 2:46

Ewari ũpeaɨde ichi unusidama Tachi Ak'õre te eda Moisepa bɨda jarateapataɨrã t'ãena suak'abari bɨt'a. Ãchia jaratea p'anɨ ũri basima mãɨnepa ãchiá ne idipachima.

Luca 4:22

Jõmãɨrãpa ichi k'orea pia pedeasidama. Ichia pia jaratea bɨ k'orea k'awa k'ɨ̃risiadaé pasima. Ara ãchi tuaba jara tuanasidama: —¿Ichi José warra jãɨya bɨwẽk'ãra?

Luca 4:32

Minachia k'awa bɨdepa arí jaratea bɨẽra ãareaɨrãpa k'awa k'ɨ̃risiadaé pasima.

Juan 7:15

Mãɨya bɨde chi mãma nɨbada judiorãpa k'ãre k'awa k'ɨ̃risiadaé pasima. Nãɨya jarasidama: «¿Mãɨ ẽpẽra sãmaasã́ minachia k'awa bɨma, k'art'a atua bɨpa?»

Juan 7:46

Mãɨne ãchia p'anoosidama: —Abaɨ pida jãɨ ẽpẽra jĩra pedeak'ama.