Luca 2:27 - Tachi Ak'õre Pedea

²⁷ Moisepa bɨdade bɨ bɨ jĩra oodai k'orea, Jesú ak'õrepa chi nae ome ichi Tachi Ak'õre te minachia bɨdea ateewãsidaɨde, Tachi Ak'õre Jaorepa Simeón ará wãpisima.

Luca 2:27 ပူးပေါင်းရင်းမြစ်များ

Mateo 4:1

Mãɨya bak'ari Tachi Ak'õre Jaorepa Jesú ĩjũa pania newẽa bɨdea enemeesima. Maapae tiorepa ichiá mĩesa jarasima nemietá oomẽrá.

Luca 2:22

María warra t'õk'ari, chi judiorã wẽerãpa nɨpachida jĩra ãarea ara mãɨya oosima, Moisepa bɨdade bɨ bɨ jĩra. Mãɨ ewari parude, ichia chi ak'õre ome warra chak'e Jerusalenea ateewãsidama Tachi Chipari k'ĩrari bɨdai k'orea.

Luca 2:28

Simeónpa chi warra unuk'ari, jirak'ari maapae Tachi Ak'õrea nãɨya pia jarasima:

Luca 2:41

Ãyocha Jesú ak'õre mãɨnepa chi nae Jerusalenea wãpachidama judiorã Egitodepa wãnana k'ɨ̃risiapataɨ ewari oodai k'orea.

Luca 2:48

Ichi ak'õre mãɨnepa chi naepa ichi unusidaɨde k'awa k'ɨ̃risiadaé pasima. Chi naepa ichiá idisima: —Warra, ¿pɨa k'ãre k'orea jãɨya oosima? ¿K'ãre k'orea nãma beesima? Minachia sõp'ua k'ɨ̃risia p'anɨpa mɨa, pɨ ak'õre pida pɨ jɨrɨ p'anasidama.

Luca 2:51

Maapae Jesú ãchi ome Nazaredea wãsima. Mãma ãchi ome chok'ea bapachima. Jõma Jerusalene mãɨyana chi naepa minachia pia k'ɨ̃risia bapachima.

Luca 4:1

Jesú, Tachi Ak'õre Jaore ome bada, Jordán todepa jĩitea wãsima. Mãɨne Tachi Ak'õre Jaorepa ichi ĩjũa pania newẽa bɨdea ateewãsima.

Hecho 10:19

Pedropa ununa k'orea wapida k'ɨ̃risia bɨde Tachi Ak'õre Jaorepa ichiá jarasima: «Ẽpẽerã ũpea p'anɨpa pɨ jɨrɨ p'anɨma.

Hecho 11:12

Tachi Ak'õre Jaorepa mɨ ãchi ome ne k'ɨ̃risiawẽa wãpisima. Cesarea p'uurude chedak'ari tai ãchi chipari tede edá wãsidama. Nãɨ ũpẽarã sei mɨ ome p'anasidama.

Hecho 16:7

Misia tuade wãsidaɨde k'ɨ̃risiasidama Bitinia p'uurudea wãnait'a, maamina Jesú Jaorepa mãmá pida itu wãpié pasima.

Hecho 8:29

Mãɨya bɨde Tachi Ak'õre Jaorepa P'elipea jarasima: «Ará orrobarise jãɨ mũrapa pɨrabari ateewãparimá».

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Apocalipsi 1:10

Tachi Chipari ewaride mɨ Tachi Ak'õre Jaoredepa basima. Mãɨne mɨ ãpɨte abaɨpa pedea ãnimara k'achu chaaru jĩra ũrisima.

Apocalipsi 17:3

Ara mãɨne Tachi Ak'õre Jaoredepa bɨde Tachi Ak'õrepa ɨt'aripa peedapa mɨ ĩjũa pania newẽa bɨdea ateesima. Mãma mɨa unusima wẽra ãnimara mietá mãɨnepa p'urea bɨ ɨ̃rɨ suak'abari bɨt'a. Chi ãnimara k'ak'uade t'ɨ̃ miak'ãe bɨ basima. Mãɨpa Tachi Ak'õre k'orea k'achia pedea basima. Poro siete mãɨnepa k'achu diez uru basima.