Luca 2:11 - Tachi Ak'õre Pedea

¹¹ Idi Daví t'õna p'uuru Belene mãra k'aripaparí t'õsima. Ichi Cristopɨ, Tachi Chiparipɨ.

Luca 2:11 ပူးပေါင်းရင်းမြစ်များ

Mateo 1:16

Jacó José ak'õre pasima. José María k'ima pasima. María Jesú nae pasima. Ara mãɨ Jesú Tachi Ak'õrepa Tachi K'aripaparí teai jaradaade apataɨpɨ.

Mateo 1:21

Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Mateo 16:20

Maapae Jesupa chi ichi ome p'ɨrrɨapataɨrã́ mãɨ mi ãpia pida abaɨa jararãapadade asima ichi Tachi Ak'õrepa Tachi K'aripaparí teai jarada.

Luca 1:43

¿Mɨ k'aima, mɨ Chipari naepa nãɨya ak'ɨde che bɨma?

Luca 1:69

Ichi pae pari mimiaparí Davidepa cheda peeruma Tachi k'aripaparí jua chaarea bɨt'a bamẽrá.

Luca 2:26

Naena Tachi Ak'õre Jaorepa ichiá k'awapisima ichi k'ĩrawẽai naena Tachi Chiparipa Tachi K'aripaparí teai jarada unuit'a.

Luca 2:4

Mãɨ ewaride José Galilea tuade Nazaré p'uurude bapachima. Ichi Davidepa cheda pẽra Judea tuade Belén p'uurudea wãsima. Belén Daví t'õna p'uuru pasima.

Juan 1:41

André Jesumá bak'ari naa ichi ũpẽa Simón jɨrɨde wãsima. Unuk'ari jarasima: —Taipa unusidama Tachi Ak'õrepa Tachi K'aripaparí teai jarada.

Juan 1:45

Mãɨne P'elipepa Natanael jɨrɨde wãsima. Unuk'ari jarasima: —Taipa chi ẽpẽra k'orea Moisepa bɨdade eda jara bɨt'a unusidama. Tachi Ak'õre pari pedeapataɨrãpa ichi k'orea bɨsidama. José warra, Jesú Nazaredepemapɨ.

Juan 11:27

Mãɨne Martapa p'anoosima: —Ãjã mɨ Chipari, mɨa ĩjãa bɨma pɨ Tachi Ak'õre Warra, Tachi Ak'õrepa Tachi K'aripaparí teai jarada, chi nãɨ ĩjũane chei bada padat'a.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 4:25

Chi wẽrapa jarasima: —Mɨa k'awa bɨma Tachi Ak'õrepa Tachi K'aripaparí teai jarada piarã cheit'a. Ichi cherude tachiá ne ãarea k'awapiipɨ.

Juan 4:42

Ãchia wẽrá jarasidama: —Taipa abapuru pɨa jarada k'orea ĩjãa p'anɨwẽma, mãɨpari ĩjãa p'anɨma ichia jaratea bɨ ũrinana pẽra. Taipa k'awasidama ichi piarã nãɨ ĩjũanepemarã k'aripaparit'a.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Juan 7:41

Mãɨnepa waapẽarãpa jarasidama: «Ichi Tachi Ak'õrepa Tachi K'aripaparí teai jaradapɨ». Maamina waapẽarãpa jarasidama: «Mãɨyawẽma. ¿Tachi Ak'õrepa Tachi K'aripaparí teai jarada Galileadepa cheik'ãra?

Hecho 10:36

Tachi Ak'õrepa chi pedea pia Jesucristo k'orea pedea peesima Israeldepemarã́, Tachi Ak'õre ome pia p'ananamẽrá. Mãɨ Jesucristo ãareaɨrã Chiparipɨ.

Hecho 13:23

»Maapae Tachi Ak'õrepa naena jarada jĩra oosima. Ichia Davidepa ununanepema aba bɨsima israel ĩjũanepemarã Tachi K'aripaparí bamẽrá. Mãɨ ẽpẽra Jesupɨ.

Hecho 17:3

Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Hecho 5:31

Tachi Ak'õrepa Jesú ichi juaraari bɨsima Tachi Chipari mãɨnepa Tachi K'aripaparí bamẽrá. Ichidepa israel ĩjũanepemarãpa nemietá itu bɨdak'ari mãicha Tachi Ak'õremá p'ue chedaipɨ. Mãɨyara ãchia nemietá oodada Tachi Ak'õrepa k'ɨ̃risia atuaipɨ.

1 Corintio 15:47

Chi naapema ẽpẽra Adán apataɨ yooro ooda pẽra, nãɨ ĩjũanepema pasima. Chi k'aadeapema ẽpẽra Jesucristo apataɨ pajãnepemapɨ.

P'ilipense 2:11

Mãɨne jõmãɨrãpa Jesucristo jõmãɨrã Chipariade a jaradaipɨ mãɨnepa Tachi Pajãnepema Ak'õrea pia pedeadaipɨ.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

Colosense 2:6

Mãrapa Tachi Chipari Jesucristode ĩjãanana pẽra ichidepa nipat'ɨ.

1 Juan 4:14

Taipa ichi Warra unusida pẽra mãɨya jara p'anɨma Tachi Pajãnepema Ak'õrepa mãɨ piarã peesit'a nãɨ ĩjũanepemarã k'aripamẽrá.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.