Luca 19:9 - Tachi Ak'õre Pedea

⁹ Jesupa ichiá jarasima: —Idi Tachi Ak'õrepa pɨ, pɨ tiidaɨrã sida k'aripasima, pɨa ĩjãa bɨẽra Abrahanpa ĩjãana jĩra.

Luca 19:9 ပူးပေါင်းရင်းမြစ်များ

Luca 13:16

Mãɨyaipɨra ¿pia bɨwẽk'ãra nãɨ wẽra, tiorepa dieciocho ãyo pa bada piawẽa uru badadepema mimianak'apɨ́ ewaride jɨpa beepii? ¿Ichi sida Abrahanepa chedawẽk'ãra?

Luca 13:30

Mãɨya chi k'aadea p'anɨ naa p'ananaipɨ mãɨnepa chi naa p'anɨ k'aadea p'ananaipɨ.

Luca 16:24

Mãɨ k'orea jĩk'ua jarasima: “Ak'õre Abrahán, mɨ k'ĩra chupuriase. Lázaro peese. Ichi jua jimini paniapa bek'eak'ari mɨ k'ĩrame bek'eade chepise. Nãɨ t'ɨpɨ uruade mɨ minachia mĩa bɨma”.

Luca 16:30

Mãɨne chi ẽpẽrapa p'anoosima: “Ak'õre Abrahán, mãɨ k'orea ĩjãanaiwẽma. Maamina abaɨpa piuda chok'ae p'irabarik'ari ãchimá jarade wãipɨra, ãchia nemietá itu bɨdak'ari ĩjãanaima”.

Luca 2:30

Pɨa Tachi K'aripaparí teai jarada mɨá unupisima.

Luca 3:8

Mãrapa oo p'anɨnepa unupit'ɨ piarã machi nemietá ooparí itu bɨdak'ari Tachi Ak'õremá chesidaɨt'a. K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Gálata 3:14

Mãɨyasima Tachi Ak'õrepa Jesucristodepa judiorãwẽ sida k'aripamẽrá ichia naena Abrahaná k'aripayade ada jĩra. Tachia Jesucristode ĩjãa p'anɨ pẽra Tachi Ak'õrepa ichi Jaore teai jarada jitasidama.

Gálata 3:29

Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Gálata 3:7

Mãɨpa k'awadai p'anɨma chi piarã Tachi Ak'õrene ĩjãa berãt'a Abrahán warrarãpɨ.

1 Pedro 2:10

Naena mãra Tachi Ak'õre p'uuruwẽ pasima, maamina naapae Tachi Ak'õre p'uurupɨ. Naena Tachi Ak'õrepa mãra k'ĩra chupuriawẽa basima, maamina naapae k'ĩra chupuria bɨma.