Luca 19:42 - Tachi Ak'õre Pedea

⁴² Mãɨne jarasima: «¡Pɨa k'awarupara nãɨ ewaride k'aipa pɨ nek'ĩramariwẽa bɨit'a! Maamina tau pɨra bɨ jĩra bɨẽra pɨa mãɨ p'ue k'awawẽma.

Luca 19:42 ပူးပေါင်းရင်းမြစ်များ

Luca 19:41

Jesú Jerusalén k'ait'a cherude, chi p'uuru unusima. Mãɨ p'uuru k'orea jẽasima.

Luca 19:43

Mãɨpuru ewariaba pɨ chi nek'ĩramá pɨ ome chõone chedaipɨ. Pɨ adu jũramarinak'ari pɨ ik'idá mawara yooro ome jũk'adaipɨ aba pida wãpidaemaapa.

Luca 19:44

Pɨ te oodada t'erap'et'autade pɨ ẽpẽrarã sida ãarea k'enanaipɨ. Ãchia aba pida mawara abaɨ ɨ̃rɨ ameenaiwẽma. Mãɨya oodaipɨ Tachi Ak'õrepa peeda k'aripaparí pɨa k'awaé pasi pẽra».

Hecho 10:36

Tachi Ak'õrepa chi pedea pia Jesucristo k'orea pedea peesima Israeldepemarã́, Tachi Ak'õre ome pia p'ananamẽrá. Mãɨ Jesucristo ãareaɨrã Chiparipɨ.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hebreo 3:13

Mãɨpari wapida nãɨ ewari bɨde ewaricha chi k'aripa p'anat'ɨ mãɨ pia ĩjãanai k'orea. Mãɨya mi ãpia pida nemietaapa seak'ari sõ chaarea baiwẽma.

Hebreo 3:15

Naena jara bada jĩra mãicha jararuma: «Idi Tachi Ak'õre pedea ũriutade mãra sõ chaarearãt'ɨ mãra chõarãenapemarã sõ chaareadada jĩra».

Hebreo 3:7

Mãɨ k'orea Tachi Ak'õre Jaorepa nãɨya jara bɨma: «Idi Tachi Ak'õre pedea ũriutade mãra sõ chaarearãt'ɨ mãra chõarãenapemarã sõ chaareadada jĩra. Ãchi ĩjũa pania newẽa bɨde tuanasidaɨde Tachi Ak'õrepa jarada itu bɨsidama ichia k'ãre ooi k'awadayá.