Luca 19:39 - Tachi Ak'õre Pedea

³⁹ Mãɨ k'orea waapẽarã p'ariseorã arí p'anɨpa Jesua jarasidama: —Jarateaparí, ¡pɨ ome p'ɨrrɨapataɨrã k'ĩup'eapise!

Luca 19:39 ပူးပေါင်းရင်းမြစ်များ

Mateo 2:7

Maapae Herodepa k'ãk'ãinepa k'awapataɨrã mẽra t'ɨ̃ peek'oasima. Ãchiá idisima chi k'ãk'ãi sãapae unusidaɨt'a, chi warra t'õna ewari k'awai k'orea. Mãɨne chi ewari jarasidama.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Juan 12:10

Lázaro chok'ae p'irabarida k'orea judiorã chok'araɨrãpa p'aarerã chi mãɨrã chaarearã itu bɨdak'ari Jesude ĩjãasidama. Mãɨpuru p'aarerã chi mãɨrã chaarearãpa pedea ausidama Lázaro sida peadai k'orea.

Juan 12:19

Mãɨne p'ariseorãpa ara ãchi tuaba jara p'anasima: «¡Ak'ɨt'ɨ! Ãareaɨrã ichi k'aade wãutama. Mãɨpuru chi tachia k'ɨ̃risiadada ichi k'orea mãɨ p'ue oodaiwẽma».

Santiago 4:5

Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?