Luca 18:32 - Tachi Ak'õre Pedea

³² Waapẽarãpa mɨ judiorãwẽa teadaipɨ. Mɨ oo uru p'ananaipɨ, k'achia pedeadaipɨ mãɨnepa mɨ k'ĩtarra taba idudaipɨ.

Luca 18:32 ပူးပေါင်းရင်းမြစ်များ

Mateo 16:21

Mãɨ ewaridepa Jesupa ichi ome p'ɨrrɨapataɨrã́ jarapachima ichi Jerusalene minachia mĩai bɨ. Nãɨya jarasima: —P'uurudepema chaarearã juade, p'aarerã chi mãɨrã chaarearã juade mãɨnepa Moisepa bɨda jarateapataɨrã juade mɨ minachia mĩaipɨ. Mɨ peapidaipɨ maamina ewari ũpeaɨde chok'ae p'irabariipɨ.

Mateo 20:19

Maapae mɨ judiorãwẽa teadaipɨ. Mãɨrãpa mɨ oo uru p'ananak'ari, soapa p'edak'ari maapae k'urusude peadaipɨ. Maamina ewari ũpeaɨde chok'ae p'irabariipɨ”.

Mateo 22:6

Waapẽarãpa chi minachia k'awa bɨ mimiapataɨrã jitadak'ari jok'aedak'ari peasidama.

Mateo 26:67

Maapae chi eda waapẽarãpa Jesú k'ĩtarramá taba idusidama mãɨnepa sĩsidama. Waapẽarãpa ichi jok'aedak'ari,

Mateo 27:2

Maapae jɨ̃nak'ari, ichi Romanepema ẽpẽra Poncio Pilato apataɨmá ateewãsidama. Mãɨ Pilato Judea tuadepema chi poro chaarea bɨ pasima.

Marco 14:65

Maapae chi eda waapẽarãpa Jesú taba idusidama; mãɨnepa ichi k'ĩra p'ãjɨ̃nak'ari, sĩpachidama. Mãɨya nak'ari, jarapachidama: —¡Tachi Ak'õrenepa jarase k'aipa pɨ sĩsit'a! Mãɨya p'anɨne Tachi Ak'õre te minachia bɨdepema ot'eapataɨrãpa Jesú jitadak'ari sĩpachidama.

Marco 15:1

Ara mãɨ ãsã paẽra p'aarerã chi mãɨrã chaarearã, judiorã chi mãɨrã chaarearã, Moisepa bɨda jarateapataɨrã, mãɨrã ãareaɨrãpa, pedea ausidama Jesú Pilatomá ateewãnai k'orea. Ara mãɨne Jesú jua bɨradak'ari ateewãsidama.

Luca 18:33

Maapae mɨ soapa p'edak'ari peadaipɨ. Maamina ewari ũpeaɨde mɨ chok'ae p'irabariipɨ».

Luca 23:1

Ara mãɨne jõma chi ará judiorã minachia k'awa p'anɨrã p'irabaridak'ari Jesú Pilatomá ateewãsidama.

Luca 23:11

Mãɨya p'anɨne Herodepa ichi papaká berã pida Jesú oo uru p'aneesidama mãɨnepa k'achia pedea p'aneesidama. Anamari auk'ará k'ɨrɨt'a Jesua jɨ̃pidak'ari ichi oo uru p'aneesidama. Mãɨya bak'ari Herodepa ichi jĩitea ateewãpisima Pilatomá.

Luca 23:35

Jõma mãɨ ẽpẽrarãpa ak'ɨ tuanasidama. Mãɨne chi minachia k'awa berãpa ichi nãɨya oo uru p'anasidama: —Waapẽarã k'aripasima. Ichi chi Tachi Ak'õrepa Jɨrɨ Atadapɨra mãɨnepa Tachi K'aripaparí teai jaradapɨra, ¿ara ichi tuaba p'ue k'aripawẽk'ãra?

Juan 18:22

Jesupa mãɨya jararude Tachi Ak'õre te ot'eapataɨrãnepema aba ichi k'ait'a badapa Jesú k'ĩtarramá p'ek'ari jarasima: —¿Jãɨya p'anoo bɨk'ãra chi p'aare minachia k'awa bɨa?

Juan 18:28

Maapae tap'ededa Jesú Caip'á tedepa romanepema chi poro chaarea bɨ chi te minachia bɨdea ateewãsidama. Chi Jesú ateewãnana judiorã mãɨ te Pretorio apataɨde eda wãnaé pasima ãchi eda wãsidara Tachi Ak'õre k'ĩrari piawẽa p'aneenai pẽra. Ichi k'ĩrari pia p'anana k'ɨ̃ria p'anasidama Egitodepa wãnana k'ɨ̃risiapataɨ ewari chik'o k'odai k'orea.

Juan 18:30

Ãchia p'anoosidama: —Nãɨpa nemietá oodaépara taipa ichi pɨmá ateewãnaiwẽ pasima.

Juan 18:32

Ara chi judiorãpa mãɨya pedeasidama Jesupa naena jara bada jĩra. Ichia jara basima sãmaasã́ piui bɨt'a.

Juan 18:35

Mãɨ k'orea Pilatopa jarasima: —¿Mɨ judiok'ãra? Ara pɨ p'uurudepemarãpa mãɨnepa chi p'aarerã chi mãɨrã chaarearãpa pɨ mɨmá enemeesidama. ¿Pɨa k'ãre oosima ãchia mãɨya oodamẽrá?

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.