Luca 18:22 - Tachi Ak'õre Pedea

²² Mãɨ ũrik'ari Jesupa ichiá jarasima: —Wapida ne aba ooiwẽa bɨma: pɨa ne uru bɨ ãarea netok'ari erreara chi nenea k'edea jedase. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 18:22 ပူးပေါင်းရင်းမြစ်များ

Mateo 19:21

Mãɨne Jesupa ichiá jarasima: —Pɨ piarã jĩp'a ba k'ɨ̃ria bɨpɨra, pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 10:42

Maamina ¿Tachi Ak'õre pedea ũrii pia bɨwẽk'ãra? Mãɨ Mariapa oo bɨma. Abaɨ pida ichiá mãɨ oowẽa bɨade adaiwẽma.

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Luca 16:9

Ara mãɨ jĩra mɨa mãrá jararuma: nãɨ ĩjũanepema errearapa ẽpẽrarã chok'ará k'aripat'ɨ. Mãɨya mãra k'õp'ãerorã chok'ará uru p'ananaipɨ. Maapae mãra piuutade pajãne pia k'ɨ̃rianaipɨ.

Luca 18:21

Chi ẽpẽrapa p'anoosima: —K'ũtãenapema mɨa mãɨ ãarea oo bɨma.

Luca 18:23

Mãɨ ũriside chi ẽpẽra k'ĩra piawẽa beesima, erreara minachia uru bɨẽra.

Luca 9:23

Jesupa jõmãɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari ewaricha minachia mĩai k'orea bai bɨma. Maapae mɨ ome wãi bɨma.

P'ilipense 3:13

Ũpẽarã, mɨa jarawẽa bɨma mɨ piarã mãɨya bɨt'a maamina mɨa nãɨ oo bɨma: mɨa naena oo badat'a k'ɨ̃risia atuak'ari naa p'ira wãruma, Cristo jĩra bai k'orea.

2 Pedro 3:8

Maamina ũpẽarã, nãɨ k'ɨ̃risia atuarãt'ɨ: Tachi Chiparimá ewari aba bɨt'a mil ãyo p'anɨ jĩra bɨma mãɨnepa mil ãyo p'anɨt'a ewari aba bɨ jĩra bɨma.