Luca 18:13 - Tachi Ak'õre Pedea

¹³ »Mãɨne Romanepema pae erreara jɨrɨp'eparí t'ɨmɨwẽa basima. Maamina pajãnea ak'ɨé pasima. Mãɨpari sõp'uadepa ichi p'echumá sĩk'ari jarasima: “Tachi Ak'õre, mɨ k'ĩra chupuriase. Mɨa minachia nemietá ooparima”.

Luca 18:13 ပူးပေါင်းရင်းမြစ်များ

Mateo 10:3

P'elipe; Bartolomé; Tomá; Romanepema pae erreara jɨrɨp'eparí pada Mateo; Alp'eo warra Santiago; Tadeo;

Mateo 6:5

»Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 9:13

Nãɨ pedea k'ãre jara bɨ k'awayá wãt'ɨ: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Marco 11:25

Mãɨnepa mãrapa Tachi Ak'õrea ɨt'aa chiidiutade abaɨ ome k'ĩruu p'ananapɨra, mãɨ ẽpẽrapa ne piawẽa ooda naa k'ɨ̃risia atuat'ɨ, mãrapa ne piawẽa oodada mãra Ak'õre pajãne bɨpa ichiaba k'ɨ̃risia atuamẽrá.

Luca 17:12

P'uuru chak'ede cherude ẽpẽra diez aidapa k'ɨdade p'anɨ ichimá chesidama. Maamina ara k'ait'a chedaé pasima.

Luca 22:41

Maapae ãchimãɨpa ãyá miká wãsima. Sĩraporode k'obeek'ari Tachi Ak'õrea nãɨya ɨt'aa chiidisima:

Luca 23:48

Jesú k'urusude peauta ak'ɨde wãnaanapa jõma mãɨyana ununak'ari sõp'uapa ãchi p'echu sĩ wãsidama jĩitea.

Luca 5:8

Simón Pedropa ichi ome p'anɨ pida beta chok'ará peadada unusidaɨde k'awa k'ɨ̃risiadaé pasima. Santiago mãɨnepa Juan ichi ome basima. Ãchi Zebedeo warrarã pasima. Mãɨne Simón Jesú taade wãk'ari sĩraporode k'obeek'ari jarasima: —Mɨ Chipari, pia bɨma pɨ mɨk'aapema ãyá wãit'a, mɨ nemietá oopari pẽra. Jesupa Simonoa jarasima: —P'erarãse, idiipa waa pɨ mɨ pae ẽpẽerã jɨrɨparí paipɨ.

Hecho 2:37

Mãɨ ũrisidaɨde ãareaɨrã minachia k'ɨ̃risia pará p'aneesidama. Mãɨpuru ãchia Pedroa mãɨnepa chi waapẽarã Jesupa peedaɨrã́ idisidama: —Ũpẽarã, ¿k'ãre oodai p'anɨma?

Romano 5:8

Maamina Tachi Ak'õrepa tachi minachia k'ɨ̃ria bɨt'a unupisima wapida nemietaade p'anɨne Cristo tachi k'orea piuda pẽra.

2 Corintio 7:11

Tachi Ak'õrepa k'ɨ̃ria bɨ jĩra mãra sõp'uasida pẽra mãɨ sõp'uapa mãrá jĩp'a k'ɨ̃risiapik'ari jĩp'a oopisima. Mãɨpuru mãrapa jĩp'a oo p'anɨ jõmãɨrã́ k'awapi k'ɨ̃ria p'anɨma. Chi mãɨ ũpẽapa nemietá ooda k'orea mãra k'ĩruusidama mãɨnepa Tachi Ak'õrepa ɨtɨai pada wap'easidama. Mãɨ k'orea chi nemietá ooda ẽpẽra ɨtɨadak'ari ãyá jeret'aasidama. Nejõmane mãrapa unupisidama mãɨ nemietá ooda k'orea nepɨradawẽa p'anɨt'a.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

Hebreo 4:16

Mãɨpuru tachia p'uedawẽa p'anɨne, Tachi Ak'õre poro jũra jɨ̃parí jɨ̃ bɨ suak'a beeparimá wãuta jĩra, ne wap'eadawẽa ichiá ɨt'aa chiididai p'anɨma. Mãɨya ichia tachi k'ĩra chupuriaipɨ mãɨnepa ichia k'aripamẽrá ɨt'aa chiidiutade ichi sõpiadepa k'aripaipɨ.

Hebreo 8:12

Ãchia ne piawẽa oodada mɨa jõma k'ɨ̃risia atuaipɨ. Mãɨnepa ãchia nemietá oodada mɨa waa k'ɨ̃risia baiwẽma».