Luca 17:16 - Tachi Ak'õre Pedea

¹⁶ Jeeda bedabari k'obeek'ari Jesua sõpia bɨade asima ichi jɨpa beepida k'orea. Mãɨ ẽpẽra Samariadepema pasima.

Luca 17:16 ပူးပေါင်းရင်းမြစ်များ

Mateo 10:5

Mãɨrã doce p'anɨrã Jesupa peesima. Maamina wãnai naena ichia jarasima: —Judiorãwẽmá, Samaria p'uuru bemá pida wãrãt'ɨ.

Mateo 2:11

Tede eda wãutade warra chak'e chi nae María ome bɨ unusidama. Maapae bedabari k'op'aneenak'ari warra chak'ea pia pedeasidama. Maapae ãchicha ne yaapariidepema ewadak'ari ãchiichia warra chak'ea nee, ãp'o k'era mãɨnepa mirra k'era teasidama.

Marco 5:33

Mãɨya bɨde wẽra ne wap'eapa ore nɨbasima Jesudepa jɨpa beeda k'awa bɨ pẽra. Maapae Jesumá chek'ari ichi k'ĩrari bedabari k'obeek'ari jarasima: —Mɨa piarã pɨ t'õmarisima.

Luca 17:17

Jesupa ichiá idisima: ¿Chi jɨpa p'aneenana diez p'anɨwẽk'ãra? Chi waapẽarã nueve ¿sãma p'anɨma?

Luca 5:8

Simón Pedropa ichi ome p'anɨ pida beta chok'ará peadada unusidaɨde k'awa k'ɨ̃risiadaé pasima. Santiago mãɨnepa Juan ichi ome basima. Ãchi Zebedeo warrarã pasima. Mãɨne Simón Jesú taade wãk'ari sĩraporode k'obeek'ari jarasima: —Mɨ Chipari, pia bɨma pɨ mɨk'aapema ãyá wãit'a, mɨ nemietá oopari pẽra. Jesupa Simonoa jarasima: —P'erarãse, idiipa waa pɨ mɨ pae ẽpẽerã jɨrɨparí paipɨ.

Juan 4:9

Mãɨne wẽrapa Jesua jarasima: —Mɨ Samariadepema wẽrapɨ. ¿K'ãre k'orea pɨ judiopa mɨá pania idi bɨma? Ichia mãɨya jarasima judiorãpa Samariadepemarã k'ɨ̃rianak'a pẽra.

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

Juan 8:48

Maapae judiorãpa Jesua jarasidama: —¡Pɨ Samariadepemapɨ mãɨnepa jaore mietá uru bɨpɨ! ¿Taipa arí jara p'anɨwẽk'ãra?

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

1 Corintio 14:25

Ichi sõne mẽra uru bada pia k'awaipɨ. Mãɨne sĩraporode k'obeek'ari Tachi Ak'õrea pia pedeaipɨ mãɨnepa «Tachi Ak'õre piarã mãra ome bɨade» aipɨ.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

Apocalipsi 5:14

Maapae chi ẽpẽra jĩra k'ĩmari chok'ae berãpa nãɨya jarasidama: «Pia bɨma mãɨya bait'a». Ara mãɨne chi chõarã veinticuatro p'anɨ sĩraporode k'op'aneenak'ari chi ewaricha chok'ae bɨa pia pedeasidama.