Luca 16:23 - Tachi Ak'õre Pedea

²³ »T'ɨpɨ uruade minachia mĩa bɨde chi ɨbɨa badapa Abrahán, Lázaro ome ará p'anɨ t'ɨmɨɨpa unusima.

Luca 16:23 ပူးပေါင်းရင်းမြစ်များ

Mateo 11:23

¿Capernaunepemarã ɨt'aa pajãnea wãnaik'ãra? ¡Wãnaiwẽma! ¡Tachi Ak'õrepa mãra piudaadarã p'anapataɨmá peeipɨ! Mɨa ẽpẽrarãpa ne p'ue oodak'apɨ́ mãra t'ãena Sodoma p'uurude oodapara, jãɨ p'uuru wapida bai pasima.

Mateo 18:9

Ichiaba pɨ taupa pɨá nemietá oopiipɨra, mãɨ nemietá ooemaapa ẽut'aak'ari ãyá amaase. Piipará bɨma ewaricha Tachi Ak'õre ome tau berrea bait'a, mãɨya tau ume bɨ t'ɨpɨ tau uruadea bat'a peei k'aepẽra.

Mateo 23:33

»¡Mãra taama jĩra p'anɨma! ¿Tachi Ak'õrepa machi nepɨra pará bɨade ak'ari, t'ɨpɨ tau urua nɨbɨdea peeiwẽane a k'ɨ̃risia p'anɨk'ãra?

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Mateo 5:29

»Mãɨpuru pɨ tau juaraaripemapa pɨá nemietá oopisira, mãɨ noet'aak'ari amaat'aase nemietá ooemaapa. Pɨ k'ak'uadepema abawẽa beerumina, ewaricha Tachi Ak'õre ome baipɨ. Mãɨya pia bɨma Tachi Ak'õrepa pɨ k'ak'ua jõma t'ɨpɨ tau uruadea bat'a peei k'aepẽra.

Mateo 8:29

Mãɨne Jesua jĩk'ua biasidama: —¡Tachi Ak'õre Warra! ¿K'ãre k'orea mɨ ome bariyá bɨma? ¿Tai mĩapiyá ewari chei naena pɨ cheruk'ãra?

Luca 16:24

Mãɨ k'orea jĩk'ua jarasima: “Ak'õre Abrahán, mɨ k'ĩra chupuriase. Lázaro peese. Ichi jua jimini paniapa bek'eak'ari mɨ k'ĩrame bek'eade chepise. Nãɨ t'ɨpɨ uruade mɨ minachia mĩa bɨma”.

Luca 8:28

Ichia Jesú unuside biasima. Maapae Jesú k'ĩrari sĩraporode k'obeek'ari jĩk'ua jarasima: —Jesú, Tachi Ak'õre chi Atepe bɨ Warra, ¿k'ãre k'orea mɨ ome bariyá bɨma? ¡Mɨ chupuria mɨ mĩapirãse!

1 Corintio 15:55

Mãɨnepa bɨ bɨma: «¿Chi piui padapa waa p'ue piupiiwẽk'ãra? ¿Chi piui padapa waa p'ue p'uapiiwẽk'ãra?»

2 Pedro 2:4

Chi Tachi Ak'õrepa ɨt'aripa peedaɨrãpa nemietá oosidaɨde Ichia k'ĩra chupuriaé pasima. Mãɨpari mietade uria p'ãrio bɨde jirak'oasima. Mãma k'ãnenapa jɨ̃ p'anɨma aba Tachi Ak'õrepa ãchi nepɨra ak'ɨi ewaridea.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.