Luca 16:19 - Tachi Ak'õre Pedea

¹⁹ »Ẽpẽra ɨbɨa basima. Ewaricha neet'á pia jɨ̃pachima mãɨnepa arapá nek'opataɨ waibɨa oopachima. Mãɨ ẽpẽra minachia pia bapachima.

Luca 16:19 ပူးပေါင်းရင်းမြစ်များ

Marco 15:17

Maapae ichi k'ak'ua ɨ̃rɨ anamari jɨ̃parí arena k'ĩra bɨt'a jɨ̃pisidama. Poro jũra jɨ̃parí ɨɨrɨ k'adak'ari, ichi porode jɨ̃pisidama.

Marco 15:20

Ichi oo uru p'ananak'ari ãchia chi anamari jɨ̃parí arena k'ĩra bɨt'a jɨ̃pidada wẽasidama. Maapae ichia jɨ̃ bada mãicha jɨ̃pidak'ari k'urusude barijira bɨde ateewãsidama peadai k'orea.

Luca 15:13

Tãaraawẽane chi k'aadeapemapa chi ichiá teada jõma netok'ari k'ait'awẽa wãsima tua awaraɨdea. Mãma ne ãarea nemietá oo beesima chi erreara jõrunea.

Luca 16:1

Jesupa ichi ome p'ɨrrɨapataɨrã́ nãɨya nepɨrɨsima ne jarateai k'orea: «Ẽpẽra minachia ɨbɨa bɨpa ichi neet'á ak'ɨparí uru basima. Mãɨne waapẽarãpa chi chiparia jarasidama mãɨ neet'á ak'ɨparipa chi chipari erreara jõpiyá bɨt'a.

Luca 16:18

»Ɨmɨk'ĩrapa ichi k'ima amaak'ari wẽra awaraɨ ataipɨra mãɨ wẽra awaraɨ ome nemietá oo bɨma. Ichia amaana wẽra ɨmɨk'ĩra awaraɨpa ataipɨra mãɨ ɨmɨk'ĩra pida wẽra awaraɨ ome nemietá oo bɨma.

Luca 16:20

Mãɨne ẽpẽra chupuria k'ɨrɨ Lázaro apataɨ basima. Ĩjũane suak'abari beepachima mãɨ erreara minachia uru bɨ tiida eda wãpataɨmá. K'ak'ua ãarea aida pará basima.

Apocalipsi 17:4

Mãɨ wẽrapa neet'á chi arena k'ĩra mãɨnepa p'urea bɨt'a jɨ̃ basima. Nee ooda auk'ará be, mawara neepɨa be mãɨnepa ne achiterrea be jɨ̃ basima. P'arat'u jãjoa bɨ nee ooda ichi juade uru basima. Mãɨ p'arat'u jãjoa bɨ nejõma Tachi Ak'õrepa k'ɨ̃riak'aɨ mãɨnepa jõma mãɨ wẽrapa k'ĩra p'era oo bɨpa ipiru basima.

Apocalipsi 18:16

«¡Miachupuri, miachupuri jãɨ p'uuru minachia bɨ pẽra! Jãɨ p'uuru wẽra lino p'aru chi piipará bɨt'a k'ak'apia bɨ jĩra jɨ̃ basima. P'aru chi molau bɨt'a mãɨnepa p'urea bɨt'a k'ak'apia bɨ jĩra jɨ̃ basima. Nee oodat'a, neet'á neepɨa bɨt'a mãɨnepa mawara neepɨa k'edet'a k'ak'apia bɨ jĩra jɨ̃ basima.

Apocalipsi 18:7

Jãɨ p'uuru minachia mĩapit'ɨ mãɨnepa minachia sõk'achia beepit'ɨ, ãchi p'uuru chi minachia bɨade a p'anɨ pẽra mãɨnepa nepia uru p'anɨane a p'anɨ pẽra. Jãɨ p'uurupa nãɨya k'ɨ̃risia bɨma: “Mɨ chi atepe minachia k'awa bɨ wẽra, chi suak'a beeparí auk'ará bide suak'abari bɨ jĩra bɨma. Mɨ p'ẽtã́ jĩra bɨwẽma. Mɨ sõk'achia baiwẽma”.