Luca 16:16 - Tachi Ak'õre Pedea

¹⁶ »Juan chei naena Moisepa bɨda mãɨnepa Tachi Ak'õre pari pedeapataɨrãpa bɨdada tachia uru p'anasidama. Mãɨ ewaridepa taipa chi pedea pia Tachi Ak'õrepa ichidirã ichi juade ua bɨ k'orea jaratea p'anɨma. Piarã ẽpẽrarãpa ne ãarea oo p'anɨma Tachi Ak'õre juade p'aneenai k'orea.

Luca 16:16 ပူးပေါင်းရင်းမြစ်များ

Mateo 10:7

Mãra wãutamá jarat'ɨ: “Tãaraawẽa bɨde Pajãne Bɨpa ichidirã ichi juade ua baipɨ”.

Mateo 15:11

Tachia chik'o k'odada k'orea tachi mietá p'aneenak'ama Tachi Ak'õre k'ĩrari. Mãɨpari tachi it'aedepa pedea bɨpa Tachi Ak'õre k'ĩrari mietá bɨparima.

Mateo 21:32

Juan chi Porochoaparipa jarateade che basima mãra jĩp'a nipadamẽrá, maamina ĩjãanaé pasima. Maamina Romanepema pae erreara jɨrɨp'epataɨrãpa mãɨnepa wẽra k'achia berã pida ĩjãasidama. Mãrapa mãɨ unusidamina, machia nemietá oopataɨ itu bɨdaé pasima ichia jarateada ĩjãanai k'orea.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 4:17

Mãɨ ewaridepa naa Jesupa nãɨya jara nipasima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Marco 1:14

Juan chi Porochoaparí eda jɨ̃a nɨbɨdak'ari Jesú Galilea tuadea wãk'ari chi pedea pia Tachi Ak'õre k'orea jarateapachima.

Marco 1:45

Maamina ãareaɨrã́ ichi jɨpa beeda mẽrawẽa nepɨrɨ beesima. Mãɨ k'orea Jesú mi ãpia pida p'uurude waapẽarã p'uuru bemaapida wãiwẽa basima. Mãɨpari p'uuru awara nipapachima ẽpẽerã beadak'amá. Maamina ẽpẽerã p'uuruchadepemarã ichimá wãpachidama.

Luca 10:11

“Nãɨ p'uurudepema yooro jora tai jĩrunepema mãra k'ĩrari jãrap'et'apatama Tachi Ak'õrepa mãɨ k'ɨ̃riawẽa bɨt'a ãchiá k'awapii k'orea. Pia k'awat'ɨ tãaraawẽa bɨde Tachi Ak'õrepa ichidirã ichi juade ua beeipɨ”.

Luca 10:9

Mãɨ awara chi k'ak'ua piawẽa berã jɨpa beepik'oat'ɨ. Ãchiá nãɨya jarat'ɨ: “Tãaraawẽa bɨde, Tachi Ak'õrepa mãra ichi juade ua beeipɨ, ichidirã paara”.

Luca 16:29

Maamina Abrahanpa ichiá jarasima: “Moisepa bɨda mãɨnepa Tachi Ak'õre pari pedeapataɨrãpa bɨdada sida ãchia uru p'anɨma. Mãɨt'a ĩjãanai p'anɨma”.

Luca 16:31

Maamina Abrahanpa jarasima: “Moisepa bɨda mãɨnepa Tachi Ak'õre pari pedeapataɨrãpa bɨdada ĩjãanaepɨra, piuda chok'ae p'irabaridapa mãɨ jararu sida ĩjãanaiwẽma”».

Luca 9:2

Mãɨne ãchi peesima Tachi Ak'õrepa ichidirã ichi juade ua bai k'orea jarade wãnamẽrá mãɨnepa k'ak'ua piawẽa be jɨpa beepidamẽrá.

Juan 1:45

Mãɨne P'elipepa Natanael jɨrɨde wãsima. Unuk'ari jarasima: —Taipa chi ẽpẽra k'orea Moisepa bɨdade eda jara bɨt'a unusidama. Tachi Ak'õre pari pedeapataɨrãpa ichi k'orea bɨsidama. José warra, Jesú Nazaredepemapɨ.

Juan 11:48

Ichi itu bɨdaipɨra ãareaɨrãpa ichide ĩjãanaipɨ. Ichi k'aade wãnaipɨra Romanepemarã papaká berã chedak'ari ãchia Tachi Ak'õre te minachia bɨ ãrinaipɨ mãɨnepa tachi judiorã k'enanaipɨ.

Juan 12:19

Mãɨne p'ariseorãpa ara ãchi tuaba jara p'anasima: «¡Ak'ɨt'ɨ! Ãareaɨrã ichi k'aade wãutama. Mãɨpuru chi tachia k'ɨ̃risiadada ichi k'orea mãɨ p'ue oodaiwẽma».

Juan 5:4

Edaɨde Tachi Chiparipa ɨt'aripa peeda mãɨ pania totomĩapide chepachima. Mãɨya oorude chi naa mãɨ paniane eda wãru ichi k'ak'ua piawẽa bada jɨpa beepachima.]

Hecho 3:18

Maamina mãɨneepuru Tachi Ak'õrepa naena jarada ãarea mãɨyapisima. Chi ichi pari pedeapataɨrãnepa jarasima ichia Tachi K'aripaparí teai jarada minachia mĩak'ari piuit'a.