Luca 16:13 - Tachi Ak'õre Pedea

¹³ »Te chipari pae pari mimiaparí abaɨ pida p'ue mimia baiwẽma chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma».

Luca 16:13 ပူးပေါင်းရင်းမြစ်များ

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Mateo 6:24

»Ẽpẽra abaɨ pida p'ue mimiaiwẽma ichi chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma.

Luca 11:23

»Chi mɨ lawari bɨwẽ mɨ ome chi nek'ĩramaapɨ. Chi mɨ ome ẽpẽrarã k'aripa jɨrɨp'ewẽa bɨpa chi jɨrɨp'eda ãyá peepiparima.

Luca 14:26

«Abaɨ pida mɨ ome p'ɨrrɨa k'ɨ̃ria bɨpɨra, naa minachia k'ɨ̃risiai pia bɨma. Ichi ak'õre, chi nae, chi k'ima, chi warrarã, chi ũpẽarã, chi ũpẽawẽrarã, wa ichi chok'ae bai mɨ k'aepẽra atepe k'ɨ̃ria bɨpɨra, mãɨ mɨ ome p'ue nipaiwẽma.

Luca 16:12

Ichiaba Tachi Ak'õrepa nãɨ ĩjũane teada mãrapa jĩp'a oodaepɨra ¿ichia mãra pae pajãne uru bɨ teaik'ãra?

Luca 16:9

Ara mãɨ jĩra mɨa mãrá jararuma: nãɨ ĩjũanepema errearapa ẽpẽrarã chok'ará k'aripat'ɨ. Mãɨya mãra k'õp'ãerorã chok'ará uru p'ananaipɨ. Maapae mãra piuutade pajãne pia k'ɨ̃rianaipɨ.

Luca 9:50

Jesupa jarasima: —Mãrapa ichiá waa mãɨya p'ue ooiwẽane arãt'ɨ. Chi tachi nek'ĩramaawẽ, mãɨ tachi lawari bɨma.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.