Luca 15:29 - Tachi Ak'õre Pedea

²⁹ Mãɨne chi warra naapemapa chi ak'õrea jarasima: “Ewaricha mɨ pɨ pae minachia mimiaparima. Pɨa jararu jõma oo baparima. Maamina waidi pɨa cabra chak'e aba pida mɨá teak'ama mɨ chi k'õp'ãerorã ome arapá nek'odai k'orea.

Luca 15:29 ပူးပေါင်းရင်းမြစ်များ

Mateo 20:12

Nãɨya jarasidama: “Jãɨ k'aadea chedada hora abapuru mimiasidama, maamina pɨa taiyá teada jĩra ãchiá pida teasima. Tai pisiade ewari ãarea ɨbɨa mimiasidama”.

Luca 15:28

»Mãɨ ũriside k'ĩruuk'ari chi tede eda wã k'ɨ̃riaé pasima. Mãɨya bɨde chi ak'õre ichimá wãk'ari chichupuria idisima eda wãmẽrá.

Luca 15:30

Maamina pɨchi warrapa pɨ erreara wẽrarã k'achia be ome ãarea jõpik'ari, maapae pɨmá cherude pɨa ichi pae p'ak'a chak'e porek'ea bɨ peapisima arapá nek'odai k'orea”.

Luca 15:7

»Ara mãɨ jĩra mɨa mãrá jararuma: 99 jĩp'a be k'orea pajãnepemarã sõ arapaapatamina, atepe sõ arapaapatama ẽpẽra aba nemietá ooparí Tachi Ak'õremá cherude.

Luca 17:10

Ara mãɨ jĩra mãrapa oodai p'anɨ jõma oosidara nãɨya jaradai p'anɨma: “Tai pɨ pae pari mimiapataɨrã k'aepe k'edema; abapuru taipa oodai p'anɨt'a oosidama”.

Luca 18:9

Waapẽarãpa ara ãchit'a jĩp'a be k'ɨ̃risia p'anasidama. Mãɨpuru ununaemaa uru p'anapachidama. Jesupa ãchiá nepɨrɨdepa nãɨya jarasima:

Luca 19:21

Mãɨya oosima pɨ wap'ea bɨẽra. Mɨa k'awa bɨma pɨa k'ĩra chupuria idik'ama chĩarané atai k'orea. Mãɨ awara waapẽarãpa uudadadepa pɨ baparima”.

Romano 10:3

Ãchia k'awadak'ama sãmaasã́ Tachi Ak'õrepa ẽpẽrarã ichi p'uuru jĩp'a bɨ paara bɨit'a, ichia jarada jĩra. Mãɨ itu bɨdak'ari ara ãchia oo p'anɨnepa jɨrɨ p'anɨma Tachi Ak'õre p'uuru jĩp'a bɨ padai k'orea.

Romano 3:20

Piarã Moisepa bɨda oo bɨdepa mi ãpia pida Tachi Ak'õrepa chi ichidirã jĩp'a berã paara bɨiwẽma. Mãɨ Moisepa bɨdadepa k'awapi bɨma tachia nemietá oopataɨ.

Romano 3:27

Mãɨpuru ¿k'ãre ara tachi k'orea pia pedeadaima? P'ue pia pedeadaiwẽma. ¿K'ãre k'orea? P'ue pia pedeadaiwẽma, Moisepa bɨda oo p'anɨnepa Tachi Ak'õrepa tachi chi ichidirã jĩp'a berã paara bɨiwẽ pẽra, mãɨpari Jesude ĩjãa p'anɨnepa mãɨya bɨipɨ.

Romano 7:9

Naena mãɨ Moisepa bɨda atua baside mɨ ne k'ɨ̃risiawẽa bapachima. Maamina mãɨ k'awaside mɨa nemietá oo k'ɨ̃ria beesima. Maapae nemietá k'orea piui basima.

Apocalipsi 2:17

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa maná mẽra bada k'opiipɨ mãɨnepa mawara chak'e t'ot'oa bɨt'a teaipɨ. Mãɨ mawara chak'e bɨde t'ɨ̃ chiwidi bɨ bɨma. Abaɨ pida mãɨ t'ɨ̃ atuama. Maamina chi jitarupuru k'awaipɨ.

Apocalipsi 3:17

Ara machi ɨbɨarãane a p'anɨma, ne ãarea uru p'anɨane a p'anɨma, mãɨnepa mãɨ ne ãpia pida newẽawẽa bɨade a p'anɨma. Maamina atua p'anɨma ara machi chichupuria p'anɨt'a, piawẽa p'anɨt'a, nenea p'anɨt'a, tau p'ãrio p'anɨt'a mãɨnepa ãk'adá p'anɨt'a.