Luca 15:28 - Tachi Ak'õre Pedea

²⁸ »Mãɨ ũriside k'ĩruuk'ari chi tede eda wã k'ɨ̃riaé pasima. Mãɨya bɨde chi ak'õre ichimá wãk'ari chichupuria idisima eda wãmẽrá.

Luca 15:28 ပူးပေါင်းရင်းမြစ်များ

Mateo 20:11

Mãɨpuru chi uva k'ãena chipari ome piawẽa pedea p'aneesidama.

Marco 1:40

Mãɨya bɨde ẽpẽra aida pará bɨ Jesumá orrobarik'ari, sĩraporode k'obeek'ari nãɨya chichupuria idisima: —Pɨa k'ɨ̃ria bɨpɨra, mɨ p'ue jɨpai bɨma.

Luca 13:34

»¡Jerusalén, Jerusalén, mãrapa Tachi Ak'õre pari pedeapataɨrã peapatama! ¡Tachi Ak'õrepa peedarã sida mawarapa bat'a peapatama! Mɨa bari k'ak'o minachia mãra ará jerep'e k'ɨ̃ria basima et'erre wẽrapa ichi warrarã ĩk'arra ek'ari jerep'epari jĩra. Maamina mãrapa k'ɨ̃rianaé pasima.

Luca 15:2

Mãɨpuru p'ariseorãpa mãɨnepa Moisepa bɨda jarateapataɨrãpa ichi k'orea nãɨya piawẽa pedea p'aneesidama: «Ichia nemietá oopataɨrã́ pia pedeak'ari ãchi ome nek'oparima».

Luca 15:27

Chi ak'õre pae pari mimiaparipa jarasima: “Pɨ ak'õrepa p'ak'a chak'e porek'ea bɨ peapisima pɨ ũpẽa jĩitea k'ak'ua pia cheda pẽra”.

Luca 15:29

Mãɨne chi warra naapemapa chi ak'õrea jarasima: “Ewaricha mɨ pɨ pae minachia mimiaparima. Pɨa jararu jõma oo baparima. Maamina waidi pɨa cabra chak'e aba pida mɨá teak'ama mɨ chi k'õp'ãerorã ome arapá nek'odai k'orea.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Luca 5:30

Mãɨ unusidaɨde Moisepa bɨda jarateapataɨrãpa mãɨnepa p'ariseorãpa Jesú ome p'ɨrrɨapataɨrã́ nãɨya k'achia pedeasidama: —¿K'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Luca 7:39

Mãɨ unuside Jesú t'ɨ̃na p'ariseopa nãɨya k'ɨ̃risiasima: «Nãɨ ẽpẽra piarã Tachi Ak'õre pari pedeaparí padapara k'awai pasima mãɨ nemietá oopari wẽrapa jãɨya oo bɨt'a».

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Hecho 14:19

Listrade p'anɨne waapẽarã judiorã Antioquiadepa mãɨnepa Iconionepa chesidama. Ãchia Listradepemarã́ Pablo k'orea piawẽa k'ɨ̃risiapisidama. Mãɨpuru ãareaɨrãpa Pablo mawarapa bat'asidama. Ichi piuda k'ɨ̃risiasidada pẽra p'uuru tajatá jidibari ateewãsidama.

Hecho 14:2

Maamina chi judiorã Jesude ĩjãawẽa bepa mãɨ judiorãwẽpa chi ũpẽarã k'orea piawẽa k'ɨ̃risiapisidama.

Romano 10:19

Mɨa mãicha idiruma: ¿Judiorãpa mãɨ pedea k'awadak'a pasik'ãra? Ãjã, k'awasidama judiorãwẽpa k'awadada jĩra. Mãɨ k'orea Moisepa bɨdade chi judiorã́ naa jarasima: «Chi mɨa jɨrɨ atadawẽ p'uuru k'aripa bɨdepa mɨa mãrá jiwaapiipɨ mɨ k'ɨ̃rianamẽrá. Chi k'ĩra k'ɨ̃risia nea bɨ p'uuru k'aripa bɨdepa mɨa mãra k'ĩruupik'apiipɨ mɨ k'ɨ̃rianamẽrá».

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.