Luca 14:21 - Tachi Ak'õre Pedea

²¹ Chi ichi pae pari mimiaparí jĩitea wãk'ari ãchia jaradada te chiparia jarasima. Mãɨ k'orea chi chipari minachia k'ĩruuk'ari ichi pae pari mimiaparia jarasima: “P'uurudea isapea wãpade asima. Maapae chi nenea berã, chi sorek'ea berã, chi tau p'ãrio berã, chi sĩta bak'ea berã sida ãarea chepik'oase”.

Luca 14:21 ပူးပေါင်းရင်းမြစ်များ

Mateo 11:28

»Ãarea sẽ p'anɨpɨra, mɨmá chet'ɨ. Mɨa mãra ɨ̃apaapiipɨ.

Mateo 11:5

Tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chupuria k'edea chi pedea pia Tachi Ak'õrepa ãchi k'aripai k'orea ũri p'anɨma.

Mateo 15:12

Mãɨya bak'ari Jesú ome p'ɨrrɨapataɨrãpa orrobari chedak'ari jarasidama: —¿Pɨa k'awa bɨk'ãra p'ariseorã sõne kĩruusidaɨt'a jãɨ pedea jarada k'orea?

Mateo 18:31

Chi waapẽarã mimiapataɨrãpa mãɨ ununak'ari, k'ĩra piawẽa p'aneenak'ari, maapae chi poro jũra jɨ̃parí jɨ̃ bɨmá mãɨ ãarea jarade wãsidama.

Mateo 20:7

Ãchia p'anoosidama: “Abaɨ pida taiyá mimiat'a teadawẽma”. Mãɨne ichia jarasima: “Mãra sida mɨ uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”.

Luca 14:13

Mãɨpari, pɨa ẽpẽrarã t'ɨ̃rune chi nenea berã, sorek'ea berã, sĩta bak'ea berã, tau p'ãrio berã sida t'ɨ̃k'oase.

Luca 14:20

Mãɨne abaɨpa jarasima: “Mɨa arat'ea k'ima atada pẽra p'ue wãiwẽma”.

Luca 14:22

Chi ichi pae pari mimiaparipa mãɨya ook'ari jarasima: “Pɨa jarada jĩra mɨa oosima, maamina ãk'au wapida pari nɨbɨade asima”.

Luca 14:24

Mɨa jararuma: mɨa naa t'ɨ̃ peedaɨrãpa mɨ k'opataɨ waibɨa bɨde mi ãpia pida k'odaiwẽma”.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Luca 9:10

Jesupa peedaɨrã jĩitea chesidaɨde ãchia oodada ichiá ãarea nepɨrɨsidama. Mãɨya bak'ari Jesupa ãchi Betsaida p'uurudea ateewãsima, ãchi ará p'aneenai k'orea.

Juan 9:39

Mãɨne Jesupa jarasima: —Mɨ nãɨ ĩjũanea chesima ẽpẽerã nepɨra ak'ɨi k'orea. Mãɨya chi tau p'ãrio be jĩra bepa ununaipɨ mãɨnepa chi unu p'anɨane a p'anɨ tau p'ãrio be jĩra p'aneenaipɨ.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

Hebreo 2:3

Ara mãɨ jĩra chi Tachi Ak'õrepa tachi minachia k'aripaidepema tachia itu bɨdaipɨra, ¿Ichia ɨtɨaidepema sãmaasã́ tachi mĩrunaima? Mãɨ pedea Tachi Chipari Jesupa naa jarateasima. Chi ũrinaanapa tachiá mãɨ piarãane asidama.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Apocalipsi 19:15

Ichi it'aedepa k'ĩruuparí nek'o p'eedea bɨt'a ochiasima, mãɨnepa tuacha p'uei k'orea. Sõ chupuriadawẽa ãareaɨrã́ jok'ae oopiipɨ. Uva pertɨaru jĩra ãchi ɨtɨaipɨ, ichia Tachi Ak'õre chi Ne Ãarea P'ue Bɨpa k'ĩruu bɨdepa mãɨya ɨtɨai bɨ pẽra.

Apocalipsi 22:17

Tachi Ak'õre Jaorepa mãɨnepa chi Oveja Chak'e k'ima atai bɨ pida nãɨya jara p'anɨma: «¡Chese!» Chi mãɨ ũri bɨpa jarai bɨma: «¡Chese!» Chi opisia bɨ chei bɨma, chi pania tachi chok'ae p'anapiparí tomẽrá. Chi mãɨ pania to k'ɨ̃ria bɨpa pari toi bɨma.