Luca 14:15 - Tachi Ak'õre Pedea

¹⁵ Jesú ome suak'abari p'anɨpa mãɨ ũrisidaɨde abaɨpa jarasima: Tachi Ak'õrepa ichidirã ichi juade ua bɨ nek'opataɨde nek'oru ẽpẽrat'a minachia pia baipɨ.

Luca 14:15 ပူးပေါင်းရင်းမြစ်များ

Mateo 25:10

Ara mãɨne olivo ta atade wãsidama. Mãɨmisa chi ɨmɨk'ĩra miak'ãi bɨ chesima. Maapae chi k'ɨ̃risia k'awa p'anɨ ichi ome eda wãsidama sõ arapá miak'ãipataɨ tedea. Ara mãɨne chi te chipari pae pari mimiaparipa chi eda wãpataɨ jɨ̃at'ɨsima.

Mateo 8:11

Mɨa mãrá jararuma: ɨmata ochiaparidepa mãɨnepa ɨmata baeparidepa mãɨ tuadepemarã chok'ará chedaipɨ. Mãɨrã tachi chõarãenapemarã Abrahán ome, Isá ome mãɨnepa Jacobo ome Pajãne Bɨpa ichidirã ichi juade ua bɨ nek'opataɨde suak'abari p'aneenaipɨ.

Luca 12:37

Chi chipari chek'ari, chi ichi pae pari mimiapataɨrã chok'ae p'anɨ unuipɨra, ãchi pia ak'ɨipɨ. Mɨa piarã jararuma: ara mãɨne chi chiparipa chi ichi pae pari mimiaparí neet'á jɨ̃k'ari ichi pae pari mimiapataɨrã chik'o k'opataɨde suak'abari beepiipɨ, ãchiá nek'opii k'orea.

Luca 13:29

Mãɨ ewaride tua awaraɨdepema ɨmata ochiaparidepa, ɨmata baeparidepa, k'ĩrariipa mãɨnepa ãpɨtepa chedaipɨ. Mãɨrã Tachi Ak'õrepa ichidirã ichi juade ua bɨde nek'o suak'abari p'aneenaipɨ.

Luca 22:16

Mɨa mãrá piarã jararuma: nãɨ k'odadepa waa k'oiwẽma aba Tachi Ak'õrepa jõma ichidirã ichi juade ua beerudea. Mãɨ ewaride nãɨ k'opataɨ jara bɨ k'orea mãɨya jõma baipɨ.

Luca 22:30

Mɨchidirã mɨ juade ua barude, mãra mɨ ome nek'odaipɨ. Poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea».

Apocalipsi 19:9

Tachi Ak'õrepa ɨt'aripa peedapa mɨá jarasima: «K'art'ade nãɨya bɨse: “¡Oveja Chak'e miak'ãipataɨ ewari nek'opataɨmá chi t'ɨ̃naanãɨrã minachia pia p'anɨma!”» Mãɨnepa jarasima: «Mãɨ piarã pedea Tachi Ak'õrepa jaradapɨ».