Luca 13:32 - Tachi Ak'õre Pedea

³² Mãɨne Jesupa ãchiá jarasima: —Jãɨ ẽpẽra et'erre k'oparí jĩra bɨa nãɨya jarade wãt'ɨ: “Idi, nũ pida mɨa k'ɨdade be, jaore mietá pará be sida jɨpa beepik'oaipɨ. Mɨa ooi bɨt'a, ewari ũpeaɨde jõma ook'ari uru baipɨ”.

Luca 13:32 ပူးပေါင်းရင်းမြစ်များ

Marco 6:14

Herode Galilea tuadepema chi poro jũra jɨ̃parí jɨ̃ bɨ pasima. Mãɨ Herodepa Jesupa ooda k'orea ũrisima. Chi eda waapẽarãpa Jesú k'orea nãɨya jarapachidama: «Juan chi Porochoaparí chok'ae p'irabarisima. Mãɨpuru jõma ẽpẽerãpa ne p'ue oodak'apɨɨrã p'ue oo bɨma».

Juan 10:32

Mãɨne Jesupa jarasima: —Mɨ Ak'õrenepa minachia nepia mãrá unupisima. ¿Chi sãkɨɨ nepia ooda k'orea mɨ mawarapa bat'a peadaima?

Juan 19:30

Jesupa mãɨ uvaba jɨjɨyá tok'ari jarasima: —Mɨa ooi pada ãarea oosima. Maapae ichi poro edá jaabarik'ari k'ĩrawẽasima.

Hebreo 2:10

Tachi Ak'õrepa ne ãarea oosima. Ichidepa ne ãarea bɨma. Tachi Ak'õremá pia basima Jesú minachia mĩapiit'a. Mãɨya chi ichi ẽpẽrarã K'aripaparí arí bɨsima. Ichidepa Tachi Ak'õrepa ichi warrarã chok'ará p'anɨ jɨrɨ atasima, ichi pia bɨdepema jitadamẽrá.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

Hebreo 7:28

Moisepa bɨdapa ẽpẽrarã ne ãareaɨne jĩp'awẽa be bɨparima p'aare minachia k'awa p'anɨrã p'ananamẽrá. Maamina mãɨ Moisepa bɨ bada teak'ari, Tachi Ak'õrepa piarãpẽa jarasima ichi Warra ewaricha P'aare minachia k'awa bɨ bayade asima. Mãɨya ichi Warra bɨsima chi tachi pae p'aare arí bɨ beemẽrá.