Luca 13:19 - Tachi Ak'õre Pedea

¹⁹ Mostaza tau jĩra bɨma. Ẽpẽrapa mostaza tau ichi ĩjũane uusima. T'õnok'ari warisima aba pak'uru minachia nɨbeerudea. Mãɨpuru ĩpana chi pak'uru juat'aede te ook'oade chesidama».

Luca 13:19 ပူးပေါင်းရင်းမြစ်များ

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Marco 4:30

Jesupa ichiaba jarasima: «¿Tachi Ak'õrepa ichidirã ichi juade ua bɨt'a k'ãre jĩra bɨma? ¿Chi sãɨ nepɨrat'a jarateaima pia k'awadamẽrá?

Luca 17:6

Tachi Chiparipa jarasima: —Mostaza net'a tau ãpia k'ɨrɨ jĩra mãrapa ãpia ĩjãa p'anɨpara, cha bɨ pak'urua “pɨ k'arra ẽut'aak'ari p'usadea wãpade” autade ara mãɨ pak'urupa mãra pedea ĩjãai pasima.

Hecho 2:41

Minachia ẽpẽerãpa ichi pedea ĩjãanak'ari porochoasidama. Mãɨ ewaride chi Jesude ĩjãanana tres mil p'anasidama.

Hecho 21:20

Mãɨ ũrisidaɨde ũpẽarãpa Tachi Ak'õrea pia pedeasidama. Maapae Pabloa jarasidama: —Ũpẽa, pɨa k'awa bɨma judiorã minachia p'anɨrãpa Jesude ĩjãa p'anɨt'a mãɨnepa Moisepa bɨda minachia ĩjãa p'anɨt'a.

Hecho 4:4

Maamina Pedropa jaratea bada ũri p'anana minachia p'anɨrãpa Jesude ĩjãasidama. Mãɨrã paara chi Jesude ĩjãapataɨrã chi ɨmɨk'ĩirãowa cinco mil p'anasima.

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.