Luca 12:5 - Tachi Ak'õre Pedea

⁵ Mɨa mãrá jararuma k'ait'a piarã wap'eadai p'anɨma. Mãrapa wap'eadai p'anɨma nãɨ k'ak'ua peak'ari p'ue tachi jaore t'ɨpɨ tau uruadea peei bɨt'a. Mɨa piarã jararuma ichit'a wap'eadai pia bɨma.

Luca 12:5 ပူးပေါင်းရင်းမြစ်များ

Mateo 10:28

Chi nãɨ k'ak'ua peapataɨrã wap'earãt'ɨ. Ãchia nãɨ k'ak'ua p'ue peadaima maamina tachi jaore p'ue peadaiwẽma. Mãɨpari nãɨ k'ak'ua mãɨnepa tachi jaore mietade paai bɨt'a wap'eat'ɨ.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Marco 13:23

Tau pará p'anat'ɨ. Mɨa mãrá ãarea jarasima mãɨ mãɨyai naena.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

Hebreo 10:31

Minachia mietá bɨma, chi Tachi Ak'õre chok'ae bɨ juade bait'a tachi nemietá k'orea.

2 Pedro 2:4

Chi Tachi Ak'õrepa ɨt'aripa peedaɨrãpa nemietá oosidaɨde Ichia k'ĩra chupuriaé pasima. Mãɨpari mietade uria p'ãrio bɨde jirak'oasima. Mãma k'ãnenapa jɨ̃ p'anɨma aba Tachi Ak'õrepa ãchi nepɨra ak'ɨi ewaridea.

Apocalipsi 14:7

Ichia nãɨya jĩk'ua jarasima: «¡Tachi Ak'õre wap'eat'ɨ! Ichiá pia bɨade a jarat'ɨ, chi ichia ɨtɨai ewari cheda pẽra. Ichiá pia pedeat'ɨ, chi pajã, ĩjũa, p'usa mãɨnepa chi to ek'aripa t'ɨ nɨbɨ ooda pẽra».

Apocalipsi 15:4

Tai Chipari, ¿k'aipa pɨ wap'eawẽa bɨwẽma? ¿K'aipa pɨ chi atepe bɨade aiwẽma? Pɨt'u chi Tachi Ak'õre paepuru bɨpɨ. Tua ãareaɨrã chedak'ari pɨá pia pedeadaipɨ, pɨa jĩp'a oo bɨt'a unupida pẽra».

Apocalipsi 20:14

Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.