Luca 12:48 - Tachi Ak'õre Pedea

⁴⁸ Maamina chi ichi pae pari mimiaparipa atua bɨdepa chi chiparipa jara bɨt'a piawẽa oosira mãɨ ichi pae pari mimiaparí ãpia puru soapa p'eipɨ. Piarã Tachi Ak'õrepa waapẽarã́ waibɨa tea bɨma ichi pae oodamẽrá. Chi waibɨa jitadaɨrãpa ichi pae waibɨa oodai pia bɨma.

Luca 12:48 ပူးပေါင်းရင်းမြစ်များ

Mateo 13:12

Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Mateo 23:14

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa p'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽrarãpa mãra pia ununamẽrá. ¡Mãɨpuru Tachi Ak'õrepa mãra mãɨ atepe ɨtɨaipɨ waapẽarã k'aepẽra!

Luca 12:41

Pedropa Jesua idisima: —Tai Chipari, ¿mãɨ nepɨra pɨa taiyá jara bɨk'ãra, wa ãareaɨrã́ jara bɨk'ãra?

Luca 12:49

»Mɨ chesima nãɨ ĩjũa ɨtɨai k'orea. Ara nãɨena mãɨya oorupara mɨmá pia bai pasima.

Luca 16:2

Mãɨ k'orea chi chiparipa ichi t'ɨ̃k'ari nãɨya ɨtɨasima: “Pɨa mɨ erreara jõpiyá bɨt'a mɨa ũrisima. Pɨa ooda mɨ erreara ome k'art'ade ak'ɨpise, pɨ waa mɨ neet'á ak'ɨparí baiwẽ pẽra”.

Juan 15:22

»Mɨa ãchiá jarateade chedawẽpara ãchia nemietá oodada k'orea nepɨrade p'aneenaiwẽ pasima. Maamina naapae mɨ pedea ũrinana pẽra p'ue jaradaiwẽma ãchia nemietá oodada k'orea “mãɨ atua p'anasiade” adait'a.

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

1 Timoteo 1:11

Tachia chi Tachi Ak'õre k'orea pedea pi-ia jarateautade, mãɨ ãarea k'awapidaipɨ. Tachi Ak'õre pia bɨpa mãɨ mɨá teasima jaratea bamẽrá.

1 Timoteo 1:13

Naena mɨa ichi k'orea piawẽa pedea bapachima mãɨnepa ichidirã ẽp'ẽ bapachima mĩapii k'orea. Chĩará k'achia pedea bapachima. Ichide waidi ĩjãawẽa bada pẽra mãɨnepa atua bɨdepa mãɨya piawẽa oo bapachima. Maamina ichia mɨ k'ĩra chupuriasima.

1 Timoteo 6:20

Timoteo, jõma Tachi Ak'õrepa jara peeda minachia ak'ɨse. Chi Tachi Ak'õremá piawẽa bɨ k'orea pedeapataɨ itu bɨse. Mãɨnepa jõma k'ɨ̃risia Tachi Ak'õre pedea ome k'ĩra awara be itu bɨse. Waapẽarãmá mãɨ k'ɨ̃risia pia bɨma. Maamina pia bɨwẽma.

Tito 1:3

Maapae ichia bɨda ewaride mɨa jaratea bɨdepa ichi pedea Cristo k'orea pia k'awapisima. Mãɨ pedea Tachi Ak'õre chi K'aripaparipa mɨá jarateapisima.

Santiago 3:1

Ũpẽarã, mãrapa k'awa p'anɨma Tachi Ak'õrepa chi Ichi pedea tachi jarateapataɨrã atepe ak'ɨk'ari, ɨtɨaipɨ. Mãɨpuru chok'ará mãranepemarãpa jɨrɨdaiwẽa p'anɨma jarateapataɨrã padai k'orea.