Luca 12:42 - Tachi Ak'õre Pedea

⁴² Jesupa p'anoosima: —Te chipari pae pari mimiaparipa k'ɨ̃risia k'awa bɨdepa jĩp'a oo bɨpɨra, chi te chiparipa chi waapẽarã ichi pae pari mimiapataɨrã mãɨ ichi pae pari mimiaparí juade bɨipɨ ãchia ewari ará parude nek'opi bamẽrá.

Luca 12:42 ပူးပေါင်းရင်းမြစ်များ

Mateo 13:52

Mãɨne Jesupa jarasima: —Pajãne Bɨpa ichidirã ichi juade ua bɨ k'orea Moisepa bɨda jarateaparipa k'awasira te chipari jĩra bɨma. Ichia yaa uru bɨdepema nepia chiwidi mãɨnepa chi chõarãenapema ak'ɨpiparima.

Mateo 20:8

»K'iumaa beek'ari chi chiparipa chi mimiapataɨrã chi chaarea bɨa jarasima: “Chi mimiapataɨrã t'ɨ̃k'oak'ari ãchi mimianana pari erreara tease. Chi k'aadea chedaadarã́ naa p'aase, waa mãɨ chi naa ẽpẽerã́ mimia teadaadarã́”.

Luca 12:43

Chi te chipari pae pari mimiaparipa mãɨya oo bɨt'a ichi chiparipa unune cheipɨra, ichi sõpia baipɨ.

Luca 7:13

Tachi Chipari Jesupa chi p'ẽtã́ chupuri unuk'ari nãɨya jarasima: —Waa jẽarãse.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

1 Timoteo 5:17

Ũpẽarãpa chi ũpẽarã ak'ɨpataɨrãpa pia oo p'anɨnepa ũpẽarã k'ɨ̃risia piadepa ãchi k'aripadai p'anɨma, ne uru p'ananamẽrá, pia oo p'anɨẽra. Mãɨnepema chi Tachi Ak'õre pedea jarateapataɨrã mãɨnepa tachi sãmaasã́ nipadai k'orea jarateapataɨrã atepe k'aripadai p'anɨma.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

Hebreo 13:7

Chi mãra minachia k'awa p'anɨrã k'orea k'ɨ̃risiat'ɨ. Ãchia Tachi Ak'õre pedea mãrá jarateasidama. K'ɨ̃risiat'ɨ sãmaasã́ ãchi p'ɨrrɨa p'anana mãɨnepa mãɨ k'orea k'ãasãasit'a. Ãchia Cristode ĩjãa p'anana jĩra mãra pida ara ĩjãa p'anat'ɨ.

Hebreo 3:5

Moisé Tachi Ak'õre pae pari mimiaparí pẽra chi Tachi Ak'õre tedepemarã ome ãarea arí oosima. Ichia k'awapisima Tachi Ak'õrepa k'aadeapema ewaride k'ãre jarait'a.

1 Pedro 4:10

Tachi Ak'õrepa ichi sõpiadepa tachicha Ichi Jaorepa oopi bɨ teasima, waapẽarã k'aripadamẽrá. Tachi Ak'õre pae pari mimiapataɨrã piarã pẽra ichia machicha teadadepa waapẽarã k'aripat'ɨ.