Luca 12:32 - Tachi Ak'õre Pedea

³² »Mãra chi chok'ará p'anɨwẽmina ne wap'ea p'anarãt'ɨ. Tachi Ak'õrepa mãra ichi juade ua bai k'ɨ̃ria bɨma, ichidirã ome.

Luca 12:32 ပူးပေါင်းရင်းမြစ်များ

Mateo 14:27

Ara mãɨne Jesupa jarasima: —¡P'erarãt'ɨ! ¡Mɨpɨ! ¡Ne wap'earãt'ɨ!

Mateo 20:16

»Ara mãɨ jĩra chi k'aadea p'anɨ naa p'ananaipɨ mãɨnepa chi naa p'anɨ k'aadea p'ananaipɨ.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Mateo 7:15

»Jĩrak'aua p'anat'ɨ sea Tachi Ak'õre pari pedeapataɨrãane apataɨrã paara. Ãchia piarã jĩra jarateapatama maamina mãɨya p'anɨma ẽpẽrarãpa Tachi Ak'õre pedea ĩjãapidaemaapa.

Luca 10:21

Mãɨya pedea p'anɨne Jesú Tachi Ak'õre Jaoredepa sõpia nɨbeesima. Mãɨpuru Tachi Ak'õrea nãɨya jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima. Ãjã, Ak'õre, pɨa mãɨya oosima jãɨya oo k'ɨ̃ria bada pẽra.

Juan 18:36

Jesupa p'anoosima: —Mɨ ẽpẽerã mɨ juade ua bɨmina mɨ p'uuru nãɨ ĩjũanepemawẽma. Nãɨ ĩjũanepema padapara mɨ ẽpẽerã mɨ k'orea k'ĩruunai pasima judiorã́ mɨ jitapidaemaapa. Maamina mɨ p'uuru nãɨ ĩjũanepemawẽma.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Hecho 20:29

Mɨa k'awa bɨma mɨ wãk'ari ẽpẽra k'achiarã usa k'achia jĩra mãra t'ãena chedaipɨ chi ũpẽarã ãyá wãpidai k'orea.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

2 Tesalonicense 1:5

Mãɨpa k'awapi bɨma Tachi Ak'õrepa ichi jĩp'a bɨdepa ẽpẽerã ɨtɨaparit'a. Mãɨya ichia mãra pia unu bɨma ichi juade ua bai k'orea. Mãɨ k'orea idiapae ãarea mĩa p'anɨma.

Hebreo 12:28

Tachi Ak'õre juadepema jõk'apɨɨmá p'ananai pẽra ichiá pia bɨade adai p'anɨma. Minachia wap'ea p'anɨnepa ichiá pia pedeadai p'anɨma ichia k'ɨ̃ria bɨ jĩra,

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

2 Pedro 1:11

Mãɨne Tachi Chipari Jesucristopa mãra itu wãpiipɨ ichi p'uurudea, te eda wãpataɨ ewa bɨ jĩra. Tachi K'aripaparipa tachi ewaricha pia uru baipɨ.

Apocalipsi 1:6

Tachi bɨsima Tachi Ak'õre juade p'aarerã p'ananamẽrá. Mãɨya ichi Pajãnepema Ak'õrepa k'ɨ̃ria bɨt'a oo p'ananaipɨ. Mãɨa pia pedeadai p'anɨma. Pia bɨma ichit'a ewaricha jõmãɨrã Chipari bait'a. Mãɨya beese.

Apocalipsi 22:5

Mãma waa k'iu baiwẽma. Tachi Ak'õre Chiparipa ɨnaapii bɨ pẽra, ĩpirawẽa mãɨnepa ɨmatawẽa ẽpẽerã pia p'ananaipɨ. Ewaricha ãchi ichi ome ará chi poro jũra jɨ̃parí jɨ̃ p'anɨrã p'ananaipɨ.