Luca 11:45 - Tachi Ak'õre Pedea

⁴⁵ Mãɨne Moisepa bɨda jarateaparí abaɨpa Jesua jarasima: —Jarateaparí, mãɨya jararude tai k'orea k'achia pedea bɨma.

Luca 11:45 ပူးပေါင်းရင်းမြစ်များ

Mateo 22:35

Mãɨrãnepema aba Moisepa bɨda jarateaparí pasima. Mãɨpa Jesú piawẽa pedeapii k'orea nãɨya idisima:

Luca 11:46

Mãɨpuru Jesupa ichiá jarasima: —¡Moisepa bɨda jarateapataɨrã, mãra chupuri p'anɨma Tachi Ak'õrepa ɨtɨai pẽra! Mãrapa ne p'ue oodawẽa be ẽpẽrarã́ oopipatama. Maamina mãɨ ãchia mi ãpia pida k'aripadak'ama mãɨ oodamẽrá.

Luca 11:52

»¡Moisepa bɨda jarateapataɨrã, mãra chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Tachi Ak'õre piarã itu k'awapidak'ama. Mãrapa atua p'anɨma Tachi Ak'õre piarã sãmaasã́ bɨ. Mãɨ awara waapẽarãpa k'awa k'ɨ̃ria p'anɨ sida mãrapa itu k'awapidak'ama.

Luca 7:30

Maamina p'ariseorãpa mãɨnepa Moisepa bɨda jarateapataɨrãpa Tachi Ak'õrepa ãchi pae oo k'ɨ̃ria bada itu bɨsidama. Mãɨpuru Juanpa ãchi porochoaé pasima.

Juan 7:48

¿Tai p'ariseorãpa, wa waapẽarã chi chaarearã pida ichide ĩjãa p'anɨk'ãra?

Juan 7:7

Nãɨ ĩjũanepemarãpa mãra k'ĩramá p'anɨwẽma. Maamina mɨt'a k'ĩramaa p'anɨma, ãchia nemietá oopataɨ mɨa mietaade a jara bɨ pẽra.

Juan 9:40

Waapẽarã p'ariseorã Jesú k'ait'a p'anɨpa mãɨ pedea ũrisidaɨde idisidama: —Pɨa ¿k'ãre k'orea mãɨya jara bɨma? ¿Tai tau p'ãrio p'anɨk'ãra?