Luca 11:41 - Tachi Ak'õre Pedea

⁴¹ Sõpiadepa nenea k'ederã́ mãrapa uru p'anɨnepema teat'ɨ. Mãɨya piarã mãra pia p'aneenaipɨ, tachi k'ak'ua pia sɨɨda jĩra.

Luca 11:41 ပူးပေါင်းရင်းမြစ်များ

Mateo 26:11

Chichupuria k'ede ewaricha mãra t'ãena p'ananaipɨ, maamina mɨ mãra ome ewaricha baiwẽma.

Mateo 5:42

Mãɨ awara abaɨ pida pɨá ne idiipɨra tease mãɨnepa ne teadoopade asira, wãak'arãse.

Marco 7:19

tachi sõne eda wãwẽa bɨ pẽra. Mãɨpari bide wãk'ari tajatá amaaparima. Mãɨya jara bɨdepa Jesupa k'awapisima ne ãarea k'odai pia bɨt'a.

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Luca 16:9

Ara mãɨ jĩra mɨa mãrá jararuma: nãɨ ĩjũanepema errearapa ẽpẽrarã chok'ará k'aripat'ɨ. Mãɨya mãra k'õp'ãerorã chok'ará uru p'ananaipɨ. Maapae mãra piuutade pajãne pia k'ɨ̃rianaipɨ.

Luca 18:22

Mãɨ ũrik'ari Jesupa ichiá jarasima: —Wapida ne aba ooiwẽa bɨma: pɨa ne uru bɨ ãarea netok'ari erreara chi nenea k'edea jedase. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 19:8

Ichi tiida padak'ari Zak'eo Jesú k'ĩrari bai nɨbeek'ari jarasima: —Mɨ Chipari, nenea k'ederã́ mɨa erreara mãɨnepa neet'á uru bɨdepema ak'ɨk'ari, abarik'a teaipɨ. Mãɨ awara erreara aba sea chɨa badapɨra, mãɨ aba chɨada pari bari k'ak'o k'ĩmari teaipɨ.

Hecho 10:15

Chi pedeapa mãicha jarasima: —Chi Tachi Ak'õrepa nepia bɨda, mãɨ mietá bɨade arãse.

Hecho 11:29

Mãɨpuru chi Jesude ĩjãapataɨrã Antioquiade p'anɨpa pedea ausidama erreara ũpẽarã Judea tuade berã pae tea peedai k'orea. Ãchicha p'ue teauta jĩra teadayade asidama.

Hecho 24:17

»Mɨ Jerusalén awara bada ãyo minachia bak'ari, maapae mãicha Jerusalenea wãsima, mɨ p'uurudepemarã nenea k'ede pae erreara teai k'orea mãɨnepa Tachi Ak'õrea ãnimara paateai k'orea.

2 Corintio 8:12

Piarã abaɨpa p'ue tearu jĩra sõpiadepa teaipɨra, mãɨ teada Tachi Ak'õrepa pia unuipɨ. Abaɨpa ne teai newẽa bɨpɨra, Tachi Ak'õrepa teapade ak'ama.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

Tito 1:15

Tachi Ak'õre k'ĩrari pia berãmá nejõma Tachi Ak'õre k'ĩrari pia bɨma. Maamina Tachi Ak'õrene ĩjãanak'apɨɨrãmá mi ãpia pida pia bɨwẽma. Ãchia k'achia k'ɨ̃risiapatama mãɨnepa ãchi sõne nepɨra paraawẽa p'anɨane apatama.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

Santiago 1:27

Chi piarã ĩjãa bɨpa nãɨya ooi bɨma Tachi Pajãnepema Ak'õrepa ichia oo bɨ pia unumẽrá mãɨnepa jĩp'a unumẽrá: jẽramãra warrarã mãɨnepa p'ẽtãarã minachia mĩa p'anɨrã k'aripai bɨma, mãɨnepa nãɨ ĩjũanepemarãpa nemietá oopataɨ jĩra ooiwẽa bɨma.