Luca 11:4 - Tachi Ak'õre Pedea

⁴ Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra. Tai nemietaade baepirãse, mãɨpari k'achiadepema k'aripase”.

Luca 11:4 ပူးပေါင်းရင်းမြစ်များ

Mateo 18:35

»Mãɨ jĩra ooipɨ mɨ Ak'õre ɨt'ari bɨpa mãra ome pida, mãra ũpẽarã sõchupuriadaepɨra mãɨnepa sõnepa ãchia mãra nemietá oodada k'ɨ̃risia atuadaepɨra.

Mateo 26:41

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Luca 11:5

Ichiaba Jesupa nãɨya jarasima: —Jaraideepara, mãranepemapa estarik'a teamasi k'õp'ãeromá wãrune nãɨya jaraipɨ: “K'õp'ãero, mɨá p'ana ũpea teadose.

Luca 13:4

Siloede te ɨt'ɨ teesoa bɨ ẽpẽrarã ɨ̃rɨ baewãside dieciocho piusidama. Mãɨya piudada pẽra ¿mãrapa k'ɨ̃risia p'anɨk'ãra ãchia atepe nemietá oopachidat'a waapẽarã Jerusalene berãpa oopataɨ k'aepẽra?

Luca 22:46

Mãɨ k'orea ãchiá jarasima: —¿K'ãre k'orea mãra k'ãi p'anɨma? P'irabaridak'ari Tachi Ak'õrea ɨt'aa chiidit'ɨ machia nemietá ooit'a k'ɨ̃risiadaipɨra, ichia machi k'aripamẽrá.

Luca 8:13

Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Juan 17:15

Mɨa pɨá idi bɨwẽma ãchi nãɨ ĩjũanepema ãyá ateewãmẽrá, mãɨpari ɨt'aa chiidi bɨma nemietaadepema ak'ɨ bamẽrá.

1 Corintio 10:13

Edaɨde tachi sõnepuru k'ɨ̃risiapatama nemietá oodai k'orea, jõmãɨrãpa ãarea mãɨya k'ɨ̃risiapataɨ jĩra. Mãɨ p'ue choadaepɨra, Tachi Ak'õrepa tachiá mãɨya k'ɨ̃risiapiwẽma. Mãɨnepa tachia mãɨya k'ɨ̃risia p'aneeutade ichia k'aripaipɨ choadamẽrá, ichia jara bɨ jĩra ewaricha oopari pẽra.

Colosense 3:13

Jõmãɨrã ome choa k'awa p'anat'ɨ. Abaɨpa piawẽa oosira mãɨ piawẽa ooda k'ɨ̃risia atuat'ɨ. Mãrapa piawẽa oodada Tachi Chiparipa k'ɨ̃risia atuada jĩra mãra pida k'ɨ̃risia atuat'ɨ.

2 Tesalonicense 3:3

Maamina Tachi Chiparipa ooipɨ ichia jara bɨ jĩra. Ichia mãra k'aripa baipɨ choa p'ananamẽrá mãɨnepa k'achiadepema ak'ɨ baipɨ.

2 Timoteo 4:18

Ichia jõma mɨ piawẽa ooutadepema k'aripaipɨ. Mɨ pia ak'ɨk'ari, pajãnea ateewãipɨ ichidirã ichi juade ua bɨmá. Ewaricha ichiá minachia pia pedeadai p'anɨma. Mãɨya beese.

Santiago 2:13

Chi waapẽarã k'ĩra chupuriak'aɨ Tachi Ak'õrepa nepɨra ak'ɨrude k'ĩra chupuriaiwẽma. Mãɨne chi waapẽarã k'ĩra chupuriapataɨ pia p'ananaipɨ.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.