Luca 11:29 - Tachi Ak'õre Pedea

²⁹ Ẽpẽrarã chok'ará ichimá cheuta unuside Jesupa jarasima: «Chi idiapaepemarã ẽpẽerã k'achia p'anɨma. Mãrapa mɨ pajãnepa che bɨ k'awadai k'orea k'ɨ̃ria p'anɨma mɨa ẽpẽrarãpa ne p'ue oodak'apɨ́ ooit'a. Maamina mɨa ẽpẽrarãpa ne p'ue oodak'apɨ́ ooiwẽma. Mãrapa abapuru Tachi Ak'õre pari pedeaparí Joná mãɨ jĩra ununaipɨ.

Luca 11:29 ပူးပေါင်းရင်းမြစ်များ

Mateo 3:7

Mãɨya bɨde chi eda waapẽarã Moisepa bɨda jarateapataɨrã chesidama Juanpa porochoamẽrá. Chi eda waapẽarã p'ariseorã pasima; chi waapẽarã saduceorã pasima. Maamina Juanpa ãchi unurune jarasima: «Mãra taama jĩra berã, ¿K'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a?

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Luca 11:16

Mãɨne Jesú Tachi Ak'õrenepa che bɨ k'awadayá waapẽarãpa ichiá idisidama ẽpẽrarãpa ne p'ue oodak'apɨ́ oomẽrá.

Luca 11:50

Tachi Ak'õrepa idiapaepema ẽpẽrarã ɨtɨaipɨ mãra chõarãenapemarãpa ãarea ichi pari pedeapataɨrã peadada k'orea. Ãjã, mɨa jararuma: nãɨ ĩjũa oodadepa waa idi chi peadaadarã k'orea Tachi Ak'õrepa mãra ɨtɨaipɨ; Abel peadada k'orea, Zak'aria peadada k'orea mãɨnepa ãarea waapẽarã peadada k'orea pida. Mãɨ Zak'aria Tachi Ak'õre te tajataria chi ãnimara paapataɨ k'ait'a peasidama.

Luca 12:1

Mãɨya p'anɨne ẽpẽrarã chok'ará tausia cheepɨrɨsidama. Minachia p'isua nɨbɨ pẽra waapẽarã para chi t'ɨ̃sia wã para basima. Mãɨne Jesupa naa ichi ome p'ɨrrɨapataɨrã́ nãɨya jarasima: «Jĩrak'aua p'anat'ɨ chi p'ariseorãné p'ana ooropiparí ome. Ãchi chi pia jĩra berãpɨ.

Luca 9:41

Mãɨpuru Jesupa p'anoosima: —¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Juan 2:18

Mãɨya bɨde p'aarerã chi chaarearã arí p'anasidama. Mãɨrãpa Jesua jarasidama: —Taiyá unupise Tachi Ak'õrepa pɨá jãɨya oopi bɨt'a.

Juan 6:30

Mãɨpuru ãchia Jesua idisidama: —¿Pɨa taiyá k'ãre unupiima, pɨ pedea ĩjãanamẽrá? Tachi chõarãenapemarãpa ĩjũa pania newẽa bɨde maná k'opachidama. Tachi Ak'õre pedeade jara bɨma: “Ichia ɨt'aripema p'ana teasima ãchia k'odamẽrá”. ¿Pɨa k'ãre ooima?

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

1 Corintio 1:22

Chi judiorãpa Cristode ĩjãanai k'orea, ẽpẽrarãpa ne p'ue oodak'apɨ́ unu k'ɨ̃riapatama. Judiorãwẽpa chi nãɨ ĩjũanepema k'ɨ̃risiat'a jɨrɨpatama.