Luca 11:2 - Tachi Ak'õre Pedea

² Jesupa jarasima: —Mãrapa Tachi Ak'õrea ɨt'aa chiidiutade nãɨya chiidit'ɨ: “Tai Ak'õre pajãne bɨ, pɨ t'ɨ̃ waapẽarã t'ɨ̃ k'aepẽra piipará bɨma. Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. [Ichiaba k'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.]

Luca 11:2 ပူးပေါင်းရင်းမြစ်များ

Mateo 10:32

»Abaɨpa ẽpẽrarã k'ĩrari mɨne ĩjãa bɨade aipɨra, mɨ Ak'õre pajãne bɨ k'ĩrari mɨa ichi mõréane aipɨ.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

Luca 11:1

Ewariaba Jesupa Tachi Ak'õrea ɨt'aa chiidi basima. Mãɨya bak'ari ichi ome p'ɨrrɨaparí abaɨpa nãɨya idisima: —Tai Chipari, jaratease taipa ɨt'aa chiidi k'awadamẽrá, Juanpa ichi ome p'ɨrrɨapataɨrã́ jarateada jĩra.

Romano 1:7

Mɨa nãɨ k'art'a bɨruma ãarea Romanepema ũpẽarã pae. Tachi Ak'õrepa mãra k'ɨ̃ria bɨma mãɨnepa t'ɨ̃sima ichi ẽpẽrarã p'ananamẽrá. Mɨa k'ɨ̃ria bɨma Tachi Pajãnepema Ak'õrepa, Tachi Chipari Jesucristo ome ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

1 Corintio 1:3

Taipa k'ɨ̃ria p'anɨma Tachi Pajãnepema Ak'õrepa, Tachi Chipari Jesucristo pida ãchi piadepa mãra k'aripa p'ananait'a ne k'ɨ̃risiawẽa p'ananamẽrá.

2 Corintio 1:2

Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo ãchi sõpiadepa mãra k'aripa p'ananait'a mãɨnepa ne k'ɨ̃risiawẽa bapiit'a.

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.

Ep'esio 1:2

Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristopa ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

P'ilipense 1:2

Taipa k'ɨ̃ria p'anɨma Tachi Pajãnepema Ak'õrepa mãɨnepa Tachi Chipari Jesucristopa ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

P'ilipense 4:20

Mãɨpuru ewaricha Tachi Pajãnepema Ak'õrea pia pedeadai p'anɨma. Mãɨya beese.

Colosense 1:2

Mɨa nãɨ k'art'a bɨruma Tachi Ak'õre ẽpẽrarã, tachi ũpẽarã Jesucristo ĩjãapataɨrã Colosa p'uurudepema pae. Taipa k'ɨ̃ria p'anɨma Tachi Pajãnepema Ak'õrepa ichi sõpiadepa mãra k'aripa bait'a mãɨnepa ne k'ɨ̃risiadawẽa bapiit'a.

1 Tesalonicense 1:1

Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Pajãnepema Ak'õrenepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma. Taipa k'ɨ̃ria p'anɨma mãra ne k'ɨ̃risiadawẽa p'ananamẽrá mãɨnepa mãra Ak'õrepa mãɨnepa Tachi Chipari Jesucristopa ãchi sõpiadepa mãra k'aripa bait'a.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.

Apocalipsi 15:4

Tai Chipari, ¿k'aipa pɨ wap'eawẽa bɨwẽma? ¿K'aipa pɨ chi atepe bɨade aiwẽma? Pɨt'u chi Tachi Ak'õre paepuru bɨpɨ. Tua ãareaɨrã chedak'ari pɨá pia pedeadaipɨ, pɨa jĩp'a oo bɨt'a unupida pẽra».

Apocalipsi 19:6

Maapae chok'ará jĩk'ua pedea p'anɨ mɨa ũrisima. Mãɨ to pedea jĩra pũa nɨbɨ jĩra basima mãɨnepa pa pedea minachia baeru jĩra basima. Ãchia nãɨya jara tuanasidama: «¡Tachi Chipari pia bɨma! ¡Tachi Chipari chi Ne Ãarea P'ue Bɨpɨ! ¡Ichit'a jõmãɨrã Chiparipɨ!

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.