Luca 10:42 - Tachi Ak'õre Pedea

⁴² Maamina ¿Tachi Ak'õre pedea ũrii pia bɨwẽk'ãra? Mãɨ Mariapa oo bɨma. Abaɨ pida ichiá mãɨ oowẽa bɨade adaiwẽma.

Luca 10:42 ပူးပေါင်းရင်းမြစ်များ

Marco 8:36

Ẽpẽra nãɨ ĩjũane ne ãarea uru bɨde piuipɨra, ¿ichia uru bɨpa k'aripaik'ãra?

Luca 10:39

Martapa ũpẽawẽra uru basima María apataɨ. María Jesú jĩru k'ait'a suak'abari basima ichia jaratea bɨ ũrii k'orea.

Luca 11:1

Ewariaba Jesupa Tachi Ak'õrea ɨt'aa chiidi basima. Mãɨya bak'ari ichi ome p'ɨrrɨaparí abaɨpa nãɨya idisima: —Tai Chipari, jaratease taipa ɨt'aa chiidi k'awadamẽrá, Juanpa ichi ome p'ɨrrɨapataɨrã́ jarateada jĩra.

Luca 12:20

Maamina Tachi Ak'õrepa ichiá jarasima: “¡Pɨa k'ɨ̃risia pia bɨwẽma! Piarã nãɨ teamasi pɨ piuipɨ. Maapae pɨa yaada uru bɨt'a ¿k'ai pae beeima?”

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Luca 16:2

Mãɨ k'orea chi chiparipa ichi t'ɨ̃k'ari nãɨya ɨtɨasima: “Pɨa mɨ erreara jõpiyá bɨt'a mɨa ũrisima. Pɨa ooda mɨ erreara ome k'art'ade ak'ɨpise, pɨ waa mɨ neet'á ak'ɨparí baiwẽ pẽra”.

Luca 16:25

Maamina Abrahanpa p'anoosima: “P'ue peeiwẽma. Warra, k'ɨ̃risiase pɨ pia bapachima chok'ae basieda; mãɨpari Lázaro chupuria bapachima. Idi Lázaro ne k'ɨ̃risiawẽa bɨma, mãɨne pɨ minachia mĩa bɨma.

Luca 18:22

Mãɨ ũrik'ari Jesupa ichiá jarasima: —Wapida ne aba ooiwẽa bɨma: pɨa ne uru bɨ ãarea netok'ari erreara chi nenea k'edea jedase. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 8:18

Mãɨpuru minachia jĩrak'aua ũri p'anat'ɨ. Abaɨ pida Tachi Ak'õre k'orea piarã k'awaipɨra, Tachi Ak'õrepa atepe k'awapiipɨ. Maamina chi atua bɨpa Tachi Ak'õre k'orea k'awa bɨ k'ɨ̃risiaipɨra ichia k'ɨ̃risia bɨ sida Tachi Ak'õrepa mãɨ ãarea ẽemariipɨ».

Juan 11:1

Mãɨ ewaride ẽpẽra Lázaro apataɨ k'ɨdade basima. Mãɨ Lázaro Betania p'uurudepema pasima. Ara mãɨ p'uurude ichi ũpẽawẽrarã María mãɨnepa Marta sida p'anasidama. Mãɨ Mariapa Tachi Chipari jĩrune k'era weak'ari ichi pudapa p'oapi bada pasima.

Juan 11:19

Mãɨpuru chok'ará judiorã chesidama Marta, María ome sõchupuriadai k'orea ãchi ũpẽa piuda pẽra.

Juan 12:3

Mãɨya p'anɨne Mariapa nardo k'era chi ichiawa, chi neepɨa bɨt'a, chi k'era bi k'ɨrrɨk'apɨa atak'ari Jesú jĩrune weasima. Maapae ichi pudapa p'õesã́ p'oapisima. Mãɨ k'erapa te ãarea p'iumá nɨbeepisima.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

1 Corintio 13:3

Nejõma mɨa uru bɨ chi nenea k'edea teaipɨra mãɨnepa Tachi Ak'õre k'orea ara mɨ k'ak'ua t'ɨpɨde paateapiipɨra, maamina waapẽarã k'ɨ̃riawẽa bɨpɨra, mãɨyara mɨ piawẽa bɨma.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.