Luca 1:80 - Tachi Ak'õre Pedea

⁸⁰ Chi warra warisima mãɨnepa Tachi Ak'õre Jaoredepa chaarea beesima. Chõa bak'ari ĩjũa pania newẽa bɨde bade wãsima. Mãma bapachima aba israel ĩjũanepemarã k'ĩrari pedearudea.

Luca 1:80 ပူးပေါင်းရင်းမြစ်များ

Mateo 11:7

Juanpa peedarã wãnak'ari Jesupa chi arí p'ananarã́ Juan k'orea nãɨya jarasima: «Ĩjũa pania newẽa bɨdea mãrapa Juan ak'ɨde wãsidaɨde ¿k'ãre ununai k'ɨ̃risiasidama? ¿Nãupa p'ũajãra p'õat'ɨ pari jĩra bɨ?

Mateo 3:1

Mãɨya bak'ari Juan chi Porochoaparipa Judeade ĩjũa pania newẽa bɨde jaratea beesima.

Luca 2:40

Chi warra warisima mãɨnepa Tachi Ak'õre Jaoredepa chaarea beesima. Ichia minachia k'awasima mãɨnepa Tachi Ak'õrepa ne ãareane ichi k'aripapachima.

Luca 2:52

Jesú k'ak'ua ɨbɨa warisima mãɨnepa ewaricha ne k'awapodosima. Tachi Ak'õrepa, ẽpẽrarã pida mãɨ pia unusidama.

Juan 1:31

Naena mɨa Jesú mãɨya bɨt'a atua basima. Maamina mɨa paniapa porochoa bɨma Israel ĩjũanepemarãpa k'awadamẽrá k'ai Tachi Ak'õrepa peedat'a».

Hecho 18:28

Ichia jaratea bɨde judiorãpa seaade autacha ãareaɨrã k'ĩrari pia k'awapipachima ãchia Jesú k'orea piawẽa k'ɨ̃risia p'anɨt'a. Tachi Ak'õre pedeadepa minachia k'awapipachima Jesú piarã Tachi Ak'õrepa Tachi K'aripaparí teai jaradat'a.