Luca 1:76 - Tachi Ak'õre Pedea

⁷⁶ Maapae Zak'ariapa ichi warra k'orea nãɨya jarasima: «Warra, pɨ Tachi Ak'õre chi atepe bɨ pari pedeapariade adaipɨ. Pɨ Tachi Chipari naa wãipɨ ichi o jarii k'orea.

Luca 1:76 ပူးပေါင်းရင်းမြစ်များ

Mateo 14:5

Juan peapi k'ɨ̃ria basima maamina p'uurudepemarã wap'ea bada pẽra p'ue ook'a pasima. P'uurudepemarãpa k'ɨ̃risia p'anasima Juan Tachi Ak'õre pari pedeaparí pasit'a.

Mateo 21:26

Maamina taipa p'ue ẽpẽrapa ichi peesiade adaiwẽma». Ãchia mãɨya jarasidama chi ẽpẽerã p'uurudepemarã wap'ea p'anɨ pẽra. Chi p'uurudepemarãmá, mãɨ Juan piarã Tachi Ak'õre pari pedeaparí pasima.

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Mateo 3:3

Mãɨ Juan k'orea Tachi Ak'õre pari pedeaparí Isaíapa jarasima: «Ẽpẽra ĩjũa pania newẽa bɨde jĩk'ua pedea bɨma: “O jarit'ɨ Tachi Chipari pia chemẽrá. O ichi pae jĩp'a jarit'ɨ”».

Marco 11:32

Maamina taipa p'ue “ẽpẽrapa ichi peesiade” adaiwẽma». Ãchia mãɨya jarasidama chi ẽpẽerã p'uurudepemarã wap'ea p'anɨ pẽra. Chi p'uurudepemarãmá, mãɨ Juan piarã Tachi Ak'õre pari pedeaparí pasima.

Luca 1:32

Ichi chi minachia k'awa bɨ paipɨ mãɨnepa Tachi Ak'õre chi Atepe bɨpa ichi Warraade aipɨ. Tachi Chiparipa ichi israel ĩjũanepemarã chi minachia k'awa bɨ bɨipɨ ichi chõarãenapema Daví bada jĩra.

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Juan 1:23

Mãɨne Juanpa p'anoosima: —Tachi Ak'õre pari pedeaparí Isaíapa nãɨya jarasima: “Ĩjũa pania newẽa bɨde abaɨpa nãɨya jĩk'ua pedea bɨma: Tachi Chipari o jĩp'a jarit'ɨ”. Mɨ mãɨ ẽpẽrapɨ.

Juan 3:28

Mãrapa mɨa jarada ũrisidama. Mɨa jarasima mɨ chi Tachi Ak'õrepa Tachi K'aripaparí teai jaradawẽpɨ. Mãɨpari Tachi Ak'õrepa mɨ naa peesima o jarimẽrá ichi pae.

Hecho 16:17

Mãɨ ãwẽra Pablo tai ome k'aadea cherude jĩk'ua jarapachima: —¡Nãɨ ẽpẽerã Tachi Ak'õre chi Choma bɨ pae pari mimiapataɨrãpɨ! Ãchia mãrá jara p'anɨma sãmaasã́ mãɨ Tachi Ak'õrepa tachi k'aripaparit'a.