Luca 1:70 - Tachi Ak'õre Pedea

⁷⁰ Naena Tachi Ak'õrepa ichi pari pedeapataɨrã́ mãɨ k'orea jarapisima.

Luca 1:70 ပူးပေါင်းရင်းမြစ်များ

Marco 12:36

Ara mãɨ Davipa Tachi Ak'õre Jaoredepa nãɨya jarasima: Tachi Chiparipa mɨ Chiparia nãɨya jarasima: mɨ juaraari suak'abari beese, aba mɨa pɨchi nek'ĩramá pɨchi juade bɨrudea.

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Hecho 28:25

Mãɨpuru k'ĩruu pedeadak'ari wãnai k'orea k'ɨ̃risiasidama. Mãɨne Pablopa nãɨya jarasima: —Tachi Ak'õre Jaorepa mãra chõarãenapemarã́ piarã pedea Tachi Ak'õre pari pedeaparí Isaíadepa nãɨya jarasima:

Romano 1:2

Mãɨ pedea pia Tachi Ak'õrepa chõarãena teayade a jarasima. Ichi pari pedeapataɨrãpa mãɨ k'orea Ichi Pedea pia bɨ k'art'ade bɨsidama.

Hebreo 3:7

Mãɨ k'orea Tachi Ak'õre Jaorepa nãɨya jara bɨma: «Idi Tachi Ak'õre pedea ũriutade mãra sõ chaarearãt'ɨ mãra chõarãenapemarã sõ chaareadada jĩra. Ãchi ĩjũa pania newẽa bɨde tuanasidaɨde Tachi Ak'õrepa jarada itu bɨsidama ichia k'ãre ooi k'awadayá.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

2 Pedro 1:21

Ãchia k'ɨ̃riauta jaradak'a pasima, mãɨpari Tachi Ak'õre pae p'anasida pẽra, ara Ichi Jaoredepa pedeasidama.

2 Pedro 3:2

Mɨa k'ɨ̃ria bɨma Tachi Ak'õre pari pedeapataɨrãpa naena jaradaadade mãrapa k'ɨ̃risiadamẽrá. Mãɨnepa k'ɨ̃ria bɨma Jesucristo Tachi Chipari mãɨnepa Tachi K'aripaparipa jarateadade k'ɨ̃risiadamẽrá. Mãɨ ichia peedaɨrãpa mãrá jarateasidama.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.