Luca 1:51 - Tachi Ak'õre Pedea

⁵¹ Tachi Ak'õrepa ichi jua chaareadepa ne waibɨa ook'oasima. Ara ãchi tuaba chi minachia k'awa k'ɨ̃risia berã ichia ãyá jĩichoapisima.

Luca 1:51 ပူးပေါင်းရင်းမြစ်များ

Romano 1:21

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.

2 Corintio 10:5

Jõma k'ɨ̃risia piawẽa be mãɨnepa chi tachi k'ak'ua atepe k'ɨ̃riapataɨ Tachi Ak'õre k'orea itu k'awapidak'aɨ, taipa mãɨ seat'a k'awapipatama. Ẽpẽrarãpa ãchi nek'ĩramá eda jɨ̃a nɨbɨuta jĩra taipa chi mãɨya k'ɨ̃risia be jĩp'a k'ɨ̃risiapipatama Cristode ĩjãanamẽrá.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».

Apocalipsi 18:8

Mãɨya k'ɨ̃risia bɨ pẽra ewari aba bɨde jãɨ p'uurudepemarã sõk'achiapa jẽanaipɨ, jarrapa piawẽa tuananaipɨ mãɨnepa ãarea piudaipɨ. Tachi Ak'õre Chipari jõma p'ue bɨpa ak'ɨrude jãɨ p'uuru paaipɨ».