Luca 1:32 - Tachi Ak'õre Pedea

³² Ichi chi minachia k'awa bɨ paipɨ mãɨnepa Tachi Ak'õre chi Atepe bɨpa ichi Warraade aipɨ. Tachi Chiparipa ichi israel ĩjũanepemarã chi minachia k'awa bɨ bɨipɨ ichi chõarãenapema Daví bada jĩra.

Luca 1:32 ပူးပေါင်းရင်းမြစ်များ

Mateo 1:1

Nãɨ k'art'a Jesucristo k'orea jara bɨpɨ. Jesucristo tachi chõarãenapemarã Abrahanepa mãɨnepa Davidepa nãɨya unusima.

Mateo 12:42

Mãɨ awara Salomón ewaride Sabá tuadepema poro jũra jɨ̃parí jɨ̃ bɨ wẽra basima. Ichi tua t'ɨmɨɨpa chesima Salomonpa ichi k'ɨ̃risiadepa pedea bɨ ũrii k'orea. Maamina nãɨ ewaride Salomón k'aepẽra chi atepe bɨ nãma bɨmina mãrapa ĩjãanawẽa p'anɨma. Mãɨ k'orea Tachi Ak'õrepa ɨtɨai ewaride mãɨ wẽrapa p'irabarik'ari mãra nepɨra pará bɨade aipɨ.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Marco 14:61

Jesú k'ĩup'ea beek'ari, mi ãpia pida p'anooé pasima. Mãɨya bɨde chi p'aare minachia k'awa bɨpa mãicha Jesua idisima: —¿Pɨ Tachi Ak'õrepa Tachi K'aripaparí teai jaradak'ãra? ¿Pɨ Tachi Ak'õre Pia Bɨ Warrak'ãra?

Marco 5:7

jĩk'ua biak'ari, nãɨya jarasima: —Tachi Ak'õre chi Atepe bɨ Warra, Jesú, ¿k'ãre k'orea mɨ ome bariyá bɨma? ¡Tachi Ak'õre k'ĩrari piarãpẽa jarase mɨ mĩapiiwẽt'a!

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

Luca 1:76

Maapae Zak'ariapa ichi warra k'orea nãɨya jarasima: «Warra, pɨ Tachi Ak'õre chi atepe bɨ pari pedeapariade adaipɨ. Pɨ Tachi Chipari naa wãipɨ ichi o jarii k'orea.

Luca 3:16

Maamina Juanpa ãareaɨrã́ jarasima: «Piarã mɨa mãra paniapa porochoa bɨma. Maamina mɨ k'aepẽra chi atepe bɨ cheipɨ. Ichia jĩrune jɨ̃ bɨ ẽrai k'orea mɨ mãɨ pae pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Juan 12:34

Ẽpẽerã mãma p'anɨrãpa Jesua jarasidama: —Moisepa bɨdadepa taipa k'awa p'anɨma Tachi Ak'õrepa Tachi K'aripaparí teai jarada mãɨ ewaricha piuk'apɨɨt'a. Pɨa ¿sãmaasã́ jara bɨma chi Ẽpẽra Warra ɨt'ɨ barijira bɨdayade a bɨt'a? Mãɨ Ẽpẽra Warra ¿k'aima?

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Hecho 16:17

Mãɨ ãwẽra Pablo tai ome k'aadea cherude jĩk'ua jarapachima: —¡Nãɨ ẽpẽerã Tachi Ak'õre chi Choma bɨ pae pari mimiapataɨrãpɨ! Ãchia mãrá jara p'anɨma sãmaasã́ mãɨ Tachi Ak'õrepa tachi k'aripaparit'a.

Hecho 2:30

Maamina Daví Tachi Ak'õre pari pedeaparí pasima. Mãɨpuru k'awa basima Tachi Ak'õrepa piarãnepa jara basima chi aba ichidiidepema chei badat'a ichi k'ak'ua pari israel ĩjũanepemarã poro jũra jɨ̃parí jɨ̃ bɨ bɨit'a.

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Hecho 7:48

Maamina Tachi Ak'õre chi Atepe Bɨ ẽpẽra juapa ooda tede bak'ama. Tachi Ak'õre pari pedeaparipa k'art'ade nãɨya bɨsima:

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.