Luca 1:17 - Tachi Ak'õre Pedea

¹⁷ Eliapa uru bada jaore, mãɨnepa ichi jua chaareadepema sida pɨ warrapa uru baipɨ. Mãɨnepa ichi Tachi Chipari naa wãipɨ chi ak'õrerã mãɨnepa chi naerã ãchi warrarã ome sõpiapii k'orea. Mãɨ awara ichia ĩjãanak'apɨɨrã sida k'aripaipɨ jĩp'a berãpa k'ɨ̃risiapataɨ jĩra k'ɨ̃risiadamẽrá. Mãɨya k'aripaipɨ p'uurudepemarãpa Tachi Chiparia pia pedeadamẽrá.

Luca 1:17 ပူးပေါင်းရင်းမြစ်များ

Mateo 11:14

Ãchia jarasidama aba Elía jĩra bɨt'a cheipɨ. Mãrapa k'awa k'ɨ̃ria p'anɨpɨra, chi chei pada jara p'anana; mãɨ Juanpɨ.

Mateo 3:3

Mãɨ Juan k'orea Tachi Ak'õre pari pedeaparí Isaíapa jarasima: «Ẽpẽra ĩjũa pania newẽa bɨde jĩk'ua pedea bɨma: “O jarit'ɨ Tachi Chipari pia chemẽrá. O ichi pae jĩp'a jarit'ɨ”».

Mateo 3:4

Juan neet'á camello k'ara k'ada jɨ̃pachima. Ichi k'ɨrrɨde jɨ̃parí ãnimara e ooda jɨ̃pachima. Sisi k'opachima mãɨnepa mẽapema jɨrrɨjõ jõpachima.

Luca 1:16

Ichia chok'ará israel ĩjũanepemarã Tachi Ak'õremá jĩitea chepiipɨ.

Luca 1:76

Maapae Zak'ariapa ichi warra k'orea nãɨya jarasima: «Warra, pɨ Tachi Ak'õre chi atepe bɨ pari pedeapariade adaipɨ. Pɨ Tachi Chipari naa wãipɨ ichi o jarii k'orea.

Juan 1:13

Ãchi Tachi Ak'õre warrarã padaé pasima ãchi naepa t'õnanepa wa tachia k'ɨ̃ria p'anananepa. Mãɨpari Tachi Ak'õrepuru ichi warrarã papisima.

Juan 1:34

Mɨa mãɨ unusima. Mãɨ k'orea mɨa jara bɨma ichi piarã Tachi Ak'õre Warrapɨ».

Juan 3:28

Mãrapa mɨa jarada ũrisidama. Mɨa jarasima mɨ chi Tachi Ak'õrepa Tachi K'aripaparí teai jaradawẽpɨ. Mãɨpari Tachi Ak'õrepa mɨ naa peesima o jarimẽrá ichi pae.

Hecho 10:33

Ara mãɨne mɨa pɨ jɨrɨpisima. Pɨ sõpia bɨ pẽra, nãmá chesima. Ya naapae, tai ãarea nãma Tachi Ak'õre k'ĩrari p'anɨma Tachi Chiparipa pɨá jarapi bɨt'a ũrinai k'orea.

Romano 9:23

Mãɨya choasima ichi pia bɨ waibɨa bɨdepema ichia k'ĩra chupuria bɨ ẽpẽrarã́ k'awapii k'orea. Ãchi ichia naena jɨrɨ atasima ichi pia bɨdepema uru p'ananamẽrá.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

2 Timoteo 2:21

Tachi sida ara mãɨ jĩra p'anɨma. Tachia k'achia itu bɨdaipɨra, Tachi Chipari pae pia p'ananaipɨ. Mãɨya tachidepa ichia ne p'ue ooipɨ mãɨnepa nejõma pia oodai k'orea p'ananaipɨ.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.