Juan 7:33 - Tachi Ak'õre Pedea

³³ Mãɨya p'anɨne Jesupa ẽpẽerã́ jarasima: —Mɨ mãra ome tãaraa baiwẽma. Mãɨya bak'ari mɨ peedamá wãipɨ.

Juan 7:33 ပူးပေါင်းရင်းမြစ်များ

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 13:3

Jesupa k'awa basima ichi Ak'õrepa ne ãarea ichi juade bɨsit'a, mãɨnepa k'awa basima ichi Tachi Ak'õremãɨpa chek'ari mãicha ichimá wãit'a.

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 14:12

Mɨa piarã jararuma: parituapa mɨne ĩjãa bɨpɨra, mɨa oo bɨt'a ichia pida ooipɨ. Piarã mɨa oo bɨ k'aepẽra ichia atepe ooipɨ, mɨ, mɨ Ak'õremá bade wãi pẽra.

Juan 14:19

Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

Juan 14:28

Mɨa mãrá jarasima mɨ wãrut'a mãɨnepa mãicha mãramá cheit'a. Mãrapa mɨ piarã k'ɨ̃ria p'anɨpara arapaadai pasima mɨ Ak'õremá wãyane ada k'orea. Ichi mɨ atepe bɨ pẽra, mɨ mãicha bɨipɨ mɨ naena badamá.

Juan 16:10

K'awapiipɨ mɨ jĩp'a bɨt'a, mɨ Ak'õremá wãi pẽra. Mãɨne mãrapa mɨ waa ununaiwẽma.

Juan 16:28

Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Juan 16:5

Maamina mɨ, mɨ Peedamá wãipɨ. Maamina abaɨ pida mãranepemapa mɨá mãɨ k'orea ididawẽa p'anɨma.

Juan 17:11

»Mɨ nãɨ ĩjũane waa baiwẽma maamina ãchi nãɨ ĩjũane p'aneenaipɨ. Ak'õre, pɨ minachia pia bɨma. Mɨ pɨmá wãru pẽra pɨ t'ɨ̃nepa ãchi minachia ak'ɨ base. Pɨ t'ɨ̃nepa, mɨ mãɨya jua chaarea beepisima, ãchi k'ak'ua aba bɨ jĩra p'ananamẽrá, tachi k'ak'ua aba p'anɨ jĩra.

Juan 17:13

»Naapae mɨ pɨmá wãipɨ. Maamina wapida nãɨ ĩjũane bɨde mãɨ ãarea jararuma, arapá p'ananamẽrá, mɨ pɨ ome arapá bɨ jĩra.

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Juan 9:4

Mãɨpuru ara ãst'á bɨeda, chi mɨ Peedapa oopi bɨt'a mɨa ãarea ooi bɨma. Mãɨ k'iuk'ari abaɨ pida p'ue mimiak'ama.